Besoj se gjithçka është gati
Kam larë paradhomën
Kam shkëputur telefonin
KAM ZBRAZUR KOSHIN
NGA LETRAT E DASHURISË, ROMANET E PAPËRFUNDUARA
FATURAT…
Kam thirrur disa nga fqinjët e mi
“Ju lutem a mund të merrni
gramafonin tim, briskun tim
abazhurët e mi?”
POEMAT E MIA TË FUNDIT IA KAM HEDHUR NGA BALKONI
FËMIJËVE QË PO KALONIN NË RRUGË
NJËRI PREJ TYRE KOMENTOI:
“MANDARINAT KANË SHIJE MË TË MIRË.”
Pastaj i thashë laumturmirë vaskës sime
Kaq obeze, kaq e pahijshme
DERËN NUK E KAM KYÇUR
Macet do ta dashurojnë tapetin
Sa për çelësin, e kam lënë
Me endacakun e vjetër përtej rrugës
APARTAMENTI ËSHTË I PASTËR
SI SHPIRTI IM
DO TË VDES I QETË LARG NGA VETJA IME
Gjithçka është gati
Përzgjodhi dhe përktheu Enkeleda Suti