PJESA 3: JEFF KOONS
& QENI I TIJ I NJOHUR PREJ TULLUMBACE
A është
“Qeni Tullumbace” një skulpturë sipërfaqësore? & Çfarë i jep vlerë një
vepre?
Nga REVISTA ARTPSER
A është “Qeni Tullumbace” një skulpturë sipërfaqësore?
Pavarësisht këtij aspekti fëminor, është e vështirë të
injorojmë faktin se, këto vepra janë të njohura për çmimet e tyre tërbuese për
të cilat ato janë shitur. Kur thjeshtësia dhe pafajësia e lodrës së një fëmije
kthehen në rekorde shitjesh, kjo është diçka që kritikët e refuzojnë. Në vitin
2019, ai madje theu një rekord të ri me veprën e tij të “Lepurit”, e cila u
shit për 91.1 milionë dollarë. Kështu, “Lepuri” i fryrë prej argjendi i Koons rrëzoi
nga froni pikturën “Pishina me Dy Figura” nga David Hockney. Shpesh, emri i Jeff Koons shoqërohet me fjalën “kitsch”,
një mbiemër disi përkeqësues që i jipet objekteve që pretendojnë se janë art,
por të cilave iu mungon kompleksiteti apo finesa. Për më tepër, fakti se, ai
nuk i bën vetë veprat e tij, por menaxhon shitjen e tyre për këto çmime
astronomike është në mënyrë të dukshme e diskutueshme.
Çfarë i jep vlerë një vepre?
Atëherë, ngrihet pyetja se çfarë e bën një vepër arti
komplekse, dhe se sa i nevojshëm është ky kriter për ta bërë interesante një
vepër arti? Ku duhet ta gjejmë vlerën e artit: tek pasioni i artistit apo tek
syri i publikut? Pra, vepra arti sipërfaqësore apo një odë për thjeshtësinë?
Krijmtari unike apo xhest komercial? Qentë shumëngjyrësh tullumbace të Jeff
Koons me shumë mundësi do të mbeten një burim debati për disa vite. Po ti, çfarë
mendon për “Qentë Tullumbace” të Koons?
Imazhi 1:
Bashkëpunimi i Koons me Jay Z për një festival, duke krijuar një “Qen Tullumbace”
të fryrë në përmasa të mëdha, 2017
Imazhi 2: Jeff
Koons dhe “Lepuri” i tij në Muzeun Tate Modern, në vitin 2009
Burimi:https://blog.artsper.com/en/a-closer-look/jeff-koons-and-his-infamous-balloon-dog/
Copyright
i përkthimit www.enkeledasuti.com
Përzgjodhi dhe përktheu Enkeleda Suti.