PJESA 1: TË KUPTOJMË
QERAMIKAT E PICASSO-S
Zelli artistik i Picasso-s
Përpara dhe pas
Picasso-s
Nga Revista ARTSPER
Veprat piktoreske të
Picasso-s janë disa nga më të famshmet në botë. Artisti, jashtëzakonisht
prodhimtar, ka ndryshuar historinë e artit. Thuhet se kemi përpara dhe pas
Picasso-s…Por a e njihni të gjithë shtrirjen e plotë të overturës së tij
artistike? Ndërmjet viteve 1947 dhe 1971, mjeshtri i padiskutueshëm i Kubizmit
krijoi disa qeramika, të panjohura për publikun e përgjithshëm.
Pas
Çlirimit Francez, Picasso gradualisht kaloi më shumë kohë në jug të Francës.
Atje, ai u rilidh me rrënjët e tij mesdhetare dhe e rrethoi veten me artistë të
famshëm të kohës. Ai madje vizitoi edhe Henri Matisse në Nisë. Riviera Franceze
u kthye në fushën e tij të lojës kur, në verën e vitit 1946, ai shkoi në një
ekspozitë poçarie në Vallauris, afër Kanës. Atje ai zbuloi dhe u mrekullua me
veprat e mrekullueshme të Georges dhe Suzanne Ramié, pronarë të punishtes së poçarisë
Madoura. Kështu, u takuan të tre artistët. Më pas, vijoi një propozim: Për të
krijuar tri pjesë në terrakota, në Madoura. Picasso pranoi ftesën dhe rizbuloi
sensacionet e të punuarit në argjilë. Në të vërtetë, fillimet e modelimit nga
ana e tij me Francisco Durrieu datonin pas që në vitet 1900…
Një
vit më pas, ai u vendos përfundimisht në jug të Framcës, kubisti vizitoi sërish
miqtë e tij qeramistë. Në punishten në Vallauris, ai zbuloi realzimin
spektakular të pjesëve që ai kishte dërguar muaj më parë; ishte dashuri me
shikim të parë. Përgjatë dy dekadave që pasuan, Picasso ekspolroi qeramikën,
duke u frymëzuar nga drita dhe nga natyra mesdhetare.
Imazhi:
Visage Tourmenté, 1956
Burimi:https://blog.artsper.com/en/a-closer-look/understanding-picassos-ceramics/
Copyright i përkthimit www.enkeledasuti.com
Përzgjodhi dhe përktheu Enkeleda Suti.
