PJESA 2: JEFF KOONS
& QENI I TIJ I NJOHUR PREJ TULLUMBACE
Frymëzimi i Jeff Koons & Cili është mesazhi pas “Qenit
Tullumbace”?
Nga REVISTA ARTPSER
Frymëzimi i Jeff Koons
Në thelb të frymëzimit dhe karrierës së Jeff Koons është
ideja e reflektimit. Ai shpjegon se, ai ka qenë gjithmonë i magjepsur me dritën
dhe se si ajo reflektohet në sipërfaqe. Ai deklaron gjithashtu se ai ka punuar
gjithmonë me sipërfaqe të fryra dhe reflektuese. Sipas artistit, burimi i tij më
i madh i frymëzimit janë Salvador Dalí dhe Andy Warhol. Shpesh thuhet se, vepra e Jeff Koons është afër Artit
Pop, një lëvizje arti që përdorte objekte të jetës së përditshme duke i kthyer
ato në art provokues. Koons është familjarizuar me veprën e Salvador Dali që
herët dhe filloi të pikturonte duke ndjekur metodën e tij. Sot, ai shpesh krahasohet
me bashkëkohësin e tij, Damien Hirst.
Cili është mesazhi pas “Qenit Tullumbace”?
Megjithëse, Jeff Koons e ka konfirmuar disa herë se veprat
e tij nuk fshehin mesazhe të tjera në të, shumë kritikë arti janë përpjekur të
shpjegojnë se çfarë mund ta bëjë këtë qen të fryrë më të thellë sesa duket. Me
peshën e tij prej një ton, shpesh thuhet se, me skulpturën e tij, Jeff Koons
luan me nocionet e objektit të rëndë me një dukje të lehtë. Një objekt
zakonisht kalimtar që këtu kthehet në diçka të pashkatërrueshme. Vepra e Koons është
një lodër e flakshme, duke qenë në të njëjtën kohë substanciale dhe imponuese.
Jeff Koons ende ofron një shpejgim; tematika që bashkon
skulpturat e tij të fryra është kultura pop. Këto objekte janë të njohura për
ne, por ato kthehen në diçka shqetësuese kur ato vendosen në një ekspozitë apo
në një muze. Koons ka deklaruar gjithashtu se, Qeni i tij Tullumbace simbolizon
përvojën njerëzore: që ne marrim frymë si këto tullumbace. Me fjalë të tjera,
ajri është jetik për ne, si edhe për këto tullumbace. Një gjë është e sigurt,
Jeff Koons i pëlqen që vepra e tij është e lehtë dhe fëminore.
Imazhi 1: Jeff Koons në studion e tij, 1997
Imazhi 2: Qen tullumbace i ekspozuar mbi çatinë e Muzeut
Metropolitan të Artit, në Nju Jork
Burimi:https://blog.artsper.com/en/a-closer-look/jeff-koons-and-his-infamous-balloon-dog/
Copyright
i përkthimit www.enkeledasuti.com
Përzgjodhi dhe përktheu Enkeleda Suti.
