PJESA 2: TË KUPTOJMË
QERAMIKAT E PICASSO-S
Bashkëpunimi me
Fabrikën Madoura
Picasso besonte
se qeramika duhet të konsiderohet si pjesë e arteve të bukura
Nga Revista ARTSPER
Me
një portofol të tejmbushur me skica, Picasso i ripunoi vizatimet e tij, duke
modeluar pjesë pas pjese. Këto prodhime thuajse industriale na kujtojnë imazhin
e tij si një artist tejet pjellor. Një pjesë e madhe e qeramikave janë rezultat
i impulsit krijues të Picasso-s gjatë njëzetë e pesë viteve të tij në Madoura. Vallauris
e lejoi atë të rimerrte artin e baltës. Pas tmerreve të luftës, studio e poçarisë
hapi fushën e mundësive për artistët.
E vendosur
në një kënd të studios së dizenjuar specifikisht për të, Picasso lëvdonte fuqinë
e baltës. Ai madje punoi me pjesë të mbetura, të papërdorshme balte që nuk i donte
askush. Artisti vizatoi pjesë origjinale dhe pikturoi pjesë edhe më
tradicionale. Ndonjëherë ai shtonte një prekje të Picasso-s në vazot e krijuara
nga Suzanne Ramié. Ajo ndante me të sekretet e saj rreth pjekjes së baltës dhe
pikturimit të glazurës. Banorët e punishtes e shoqëronin artistin në procesin e
tij krijues dhe i kushtonin vëmendje të veçantë përmbushjes së tij personale.
Ata e këshillonin dhe e asistonin atë në krijimin e pjesëve të tij. Ky bashkëpunim
i ngushtë ka rezultuar në një koleksion të madh vazosh me edicion të kufizuar.
Qëllimi
i grupit ishte të prodhonin pjesë të jashtëzakonshme me çmime të përballueshme.
Picasso besonte se, qeramika duhet të konsiderohet si pjesë e arteve të bukura.
Në të njëjtën kohë, ai duhet të ndahej me traditën e objekteve utilitare. Sipas
Éric Moinet, qeramikat e artistit përbëjnë “një pjesë shumë të rëndësishme të
veprës që duhen rivlerësuar”. Për një kohë të gjatë në duart e familjes së
Picasso-s, “këto ishin pjesë që janë parë rrallë,” veçanërisht duke qenë se
publiku francez e konsideronte qeramikën si një art dekorativ.
Imazhi:
Fotografi e Pablo Picasso dhe Suzanne Ramié, 1957
Burimi:https://blog.artsper.com/en/a-closer-look/understanding-picassos-ceramics/
Copyright i përkthimit www.enkeledasuti.com
Përzgjodhi dhe përktheu Enkeleda Suti.
