Isha e lodhur së qeni gruaE lodhur nga dhimbja
Detaji i parëndësishëm i seksit
Vetë kupa ime qiellore
Duke vdekur nga uria
Dhe më e zbrazët sa herë që mbushesha
Dhe që më në fund mbushesha
Nga vetë zbrazëtia
Duke kërkuar kopshtin e vetmisë
Në vend të një burri
Shtrati i bardhë
Në kopshtin e gjelbër
Mezi prisja
Të flija vetëm
Ashtu siç lëngojnë disa
Për të dashurin
Dhe kur ti erdhe
Unë u përpoqa të të largoja
Me trishtimin tim
Me joshjen time cinike
Dhe hilet e mia për ta
Kthyer një Skllav në një Padron
Dhe të gjitha
Sepse për shkakun tënd
Më dhëmbin gishtërinjtë
Dhe sytë e mi kryqëzoheshin në pasionin
Që nuk njihte as emrin e vet
ARI, BISHË, DASHNOR
I LIBRIT TË TRUPIT TIM
Ti ktheve faqet e mia
Dhe zbulove
Se atje duhej shkruar në
Krahun tjetër
Dhe tani
UNË JAM BOSH
PËR TY
NJË ‘TABULA RASA’
GATI PËR T’U PRINTUAR
ME GËRMA
NË NJË GJUHË TË PAZBULUAR
NGA SHTYPSHKRONJA MË E MADHE
E DASHURISË SONË
Bishë, Libër, Trup nga Erica Jong
Përzgjodhi dhe përktheu Enkeleda Suti
