Në shikim të parë mund të duket sikur artistët mesjetar
nuk kanë qenë edhe aq të zotë me vizatimin. Por siç del bebet në artin mesjetar
janë, në fakt, të shëmtuar për një arsye. Ndonëse pati zhvillime të rëndësishme
në anatomi dhe perspektivë që ndodhën më pas gjatë Rilindjes, bebet e shëmtuara
mesjetare ishin një zgjedhje e qëllimshme përpara kësaj kohe. Përse?
Nëse dikush do t’ju kërkonte që të pikturonit si Pablo
Picasso dhe ju do t’i jipnit atyre Norman Rockwell, do t’i kishit prishur punët
fare. E njëjta gjë vlente edhe për artistët që punonin në kisha, në Itali. Kjo
për arsyen sepse shumica e këtyre bebeve ishin paraqitje të Krishtit dhe të
Marisë. Artistët mesjetar ishin të ndikuar nga ideja e “homunuclus”, fjala
latine për burrat e vegjël (xhuxhët). Këto piktura dukeshin si Benjamin Button sepse
filozofët besonin se, Krishti kishte lindur i formuar përsosmërisht dhe i
pandryshuar.
Pra, Krishti i rritur përfaqësohej tek Krishti bebe. Deri
në kohën e Rilindjes kur gjithçka ndryshoi. Përgjithësisht, ne mendojmë se
Mesjeta ka zgjatur nga reth shekulli i 5-të deri në atë 15-të, dhe që u
mbivendos pak a shumë me periudhën e fillimit të Rilindjes në shekullin e 14-të.
Me shumë mundësi, Rilindja filloi në Firence, në Itali, por është e rëndësishme
të vëmë re se, ai u shtri mbi shekuj dhe shekuj në një kohë kur çdo gjë lëvizje
ngadalë. Kështu, nuk është se në këtë kohë u shfqen bebet e bukura kudo. Megjithatë,
ndryshimi në stil ndodhi dhe ai ndodhi për disa arsye.
Vendet si Firence po bëheshin më të pasura dhe kishat nuk
ishin të vetmet vende që mund të përballonin pikturat. Njerëzit mund të bënin
pikturat e bebeve të tyre dhe ata kërkonin që ato të dukeshin si bebe të
lezetshme buçko, dhe jo si xhuxhër të vegjël. Dhe duke qenë se, Rilindja kishte
të bënta e gjitha me klasiken, ata panë artin romak dhe grek, që kishin të bënin
me format e idealizuara që hidhnin poshtë abstragimet mesjetare për bukurinë.
Gjithsesi, ajo që duam të themi është se, pas Rilindjes ëngjëjt
nuk mungonin, dhe as pikturat e lezetshme të Krishtit bebe teksa Rilindja po përhapej
në të gjithë Evropën. Dhe kjo ka mbetur pak a shumë njësoj që nga ajo kohë.
Ne duam që të shikojmë bebe që kërkojnë që t’ua pickojmë
faqet, dhe jo që t’i kontrollojmë prostatën. Ne duam që ato të jenë buçko dhe të
lezetshme, dhe ne duam që këto bebe t’i përmbushin pak a shumë idealet tona. Sepse
ato bebe mesjetare kanë një fytyrë që mund t’i dojë vetëm një nënë.
Link: https://www.youtube.com/watch?v=xFcF_qfLHeQ
Përzgjodhi dhe përktheu – Enkeleda Suti.