EROTIZMI I ARTIT TË CÉSAR BALDACCINI NË 5 ANEKTODA

Nga REVISTA ARTSPER

Është e vërtetë që kur shikoni
veprat e César Baldaccini-t, ngjeshjet brutale dhe skulpturat e tij prej skrapi metalesh,
nuk është e dukshme që arti i tij është erotik. Megjithëse, disa vepra janë të
mirënjohura për referencat e tyre mishtore, ka të tjerë të cilët mendojnë se
ato janë nënkuptime më të holla…

#1 Skulpturat e tij të para paraqisnin trupa femëror

César e
konsideronte skulpturën si një formë arti shumë tradicionale dhe ai shikonte
skulptorët më të mëdhenj. Megjithatë, duke qenë se atij i mungonin fondet e
mjaftueshme për të blerë materialet e përshtatshme, ai filloi skalitjen me
materialet që ishin më të qëndrueshme, si edhe mbetjet e metaleve që ai i
gjente në landfille. Ai ngjiti, shkriu dhe montoi dhe, në fund, krijoi “Vénus
de Villetaneuse” dhe shumë skulptura të tjera nudo. Për më tepër, përdorimi i
materialeve të plehrave nuk ndikuan fare në stilin dhe cilësinë e veprave të
tij. César ia doli që t’i përdorte këto materiale të ngurta për të prodhuar
teksturat e lëkurës, disa të lëmuara dhe disa të palëmuara, si edhe gymtyrë të
cilat ndonjëherë ishin mekanike dhe të mbështjella në mish, duke marrë formën e
kurbave femërore dhe mëmësore.

#2 Prekja e ka ndihmuar për të skalitur

César ka qenë
shumë prekës (prekte gjërat) dhe kishte nevojë që t’i prekte materialet përpara
se t’i skaliste. Ai thuajse i përkëdhelte materialet për t’i dhënë atyre formë:
“Imagjinata ime fillon të funksionojë vetëm pasi unë e kam prekur diçka,”
thoshte ai. Ndodhta kjo e ka ndihmuar që t’i jipte kaq shumë sensualitet
materialeve që ai përdorte…Kur ai fliste për shtypjet/ngjeshjet, ai madje përdori
termin e përdorur në jug të Francës, “esquicher”, që do të thotë “për të
shtrydhur”, dhe që ai e krahasonte me “shtrydhjen” e një gruaje…

#3 Ai skaliste shpesh edhe gjinjtë

Megjithëse, sensualiteti
shpesh është shumë i hollë në veprat e tij, César ka prodhuar gjithashtu vepra
që janë tërësisht erotike. Për shembull, ai realizoi varëse në formën e gjinjve
që ishin dizenjuar për t’u prekur dhe për të luajtur me to.

#4 Skulpturat e tij me gishtin e madh janë shumë…falike

Gishtat e
madhenj të famshëm të César-it gjithashtu janë të ngarkuara me sensualitet. Ai
i replikoi ato në madhësi të ndryshme dhe duke përdorur materiale të ndryshme.
Disa kanë formën e lëpirësve! Kur zmadhohet, gishti i madh duket falik, një
atribut i përforcuar më tej nga tekstura thuajse realiste e lëkurës dhe e
materialeve të mishit, por gjithashtu edhe nga papërsosmëritë.

#5 Sensualiteti i materialeve

César ia doli
që t’i jipte artit të tij një pamje erotike kryesisht duke punuar me
materialet. Për shembull, zmadhimet/zgjerimet e tij, janë ekstremisht
kënaqësidhënëse për t’i parë; ato janë shumë të këndshme vizualisht. Qofshin të
lëmuara, të sedefta, të papërmbajtura, rrjedhëse apo duke kulluar, ato na
ofrojnë ndjesinë e prekjes dhe duket sikur zmadhohen dhe kërkojnë që të
soditen.