Lindja e një nënkulture (1967-1974)
Si pjesë e procesit shoqëror që po ndodhte në Amerikë dhe Europë, rock-u solli ndryshime në shumë rrafshe të dukshme dhe të padukshme. Nga fundi i viteve ’60, imazhi i rock’n’roll-it fitoi një dimension të ri nga format e tjera të mëparshme të artit. Rolling Stones njihen si grupi i parë që në skenë vishnin lloj-lloj rrobash të çuditshme, gjë që ngjalli shumë reagime në publik. Flokët e tyre ishin të gjatë dhe të shpupuritur – kjo mënyrë e re e paraqitjes ishte një thyerje e traditës bashkëkohore të grupeve të hekurosura dhe të kollarisur. Por më 1967-n, një album do të sillte një shtysë thelbësore për rock-un: Sgt. Pepper’s Lonely Hearts Club Band i Beatles nuk ngjante me asnjë album tjetër që kishte dalë më parë. Ishte e qartë, se horizonte të reja ishin hapur për të ardhmen e rock-ut.
Shkëputur nga libri “Rock’n’roll, Muzikë, Liri dhe Poezi”, përzgjedhur dhe përkthyer nga Genci Muçollari, Albas, 2023
@gencimucollari
@albaspublishinghouse
