Derrat e luftës
Gjeneralët mblodhën ushtri,
porsi shtrigat të zezën magji;
Mendja djallëzore, pjell shkatërrim,
e në fund vdekja përfshin.
Në ato fusha me trupa t’përcëlluar,
ku makina e luftës shfryn tërbuar, vdekja dhe urrejtja për njerëzimin,
ia helmojnë trurin e shpëlarë, mendimin.
Oh, Zot, po!
Politikanët fshihen diku tej;
ata filluan luftën.
Përse t’mos dalin në fushë të nderit? Po ia fusin gjithmonë të mjerit.
Koha do ta thotë, se mendje të fuqishme, bënë luftë veç për kënaqësi.
I trajtuan njerëzit sikur luajtën shah, prisni ditën e gjykimit, oh, ç’hata.
Tani në terr bota ndaloi;
hiri i trupave që zjarri i shoi.
Për Derrat e Luftës fuqi më s’ka, tani që ora e Zotit ra.
Dita e gjykimit, Zoti na thërret; Gjunjazi derrat e luftës zvarriten, për mëkatet, lypin mëshirë. Djalli qesh me flatrat shtrirë
Oh, Zot, poo!
Derrat e luftës
BLACK SABBATH
Shkëputur nga libri “Rock’n’roll, Muzikë, Liri dhe Poezi”, përzgjedhur dhe përkthyer nga Genci Muçollari, Albas, 2023
@gencimucollari
@albaspublishinghouse
Imazhi, Njerezit duke bere gjera njerezish nga @beeple_crap
