Disko, punk dhe Dallga e Re
Ndërsa muzika funk u bë pjesë e skenës së rock- ut në fillim të viteve ’70, kjo gjë u parapriu disa këngëve me një ritëm të kërcyeshëm. Modeli disko u zhvillua nga grupe, si: K.C. and the Sunshine Band, MFSB, Three Degrees, O’Jays, Barry White, Gloria Gaynor, Chic dhe Trammps. Befas shumë hite u bënë të njohura në diskoteka, jo vetëm në Europë, por dhe në Amerikë. Grupi më i shquar i epokës disko është Bee Gees, muzika e të cilëve u bë kolona zanore e filmit Saturday Night Fever. Shumë grupe qendrore të rock-ut, përfshirë Rolling Stones, Rod Stewart, Queen dhe Grateful Dead, ndërfutën elemente të ritmeve disko në muzikën e tyre, dhe shumë radio filluan të përshtatnin formatin disko. Nga fundi i 1970-s u përhap një lëvizje antidisko; gjë që çoi madje edhe në një përleshje në Çikago në verë të 1979-s, midis dy grupimeve që mbronin dy ide të ndryshme.
Shkëputur nga libri “Rock’n’roll, Muzikë, Liri dhe Poezi”, përzgjedhur dhe përkthyer nga Genci Muçollari, Albas, 2023
@gencimucollari
@albaspublishinghouse
