100 vite më parë
Dje po shëtisja mes pemëve në pyll,
dhe bota shtrihej para meje si qilim; Gonxhet sapoçelur dhe ajri erëmonte, çuditërisht më dukej si njëqind vite më parë. Unë dhe Meri ishim ulur mbi një portë, vështronim një dragua lart në qiell;
Ç’ditë e hijshme, zemrat i hapëm njëri-tjetrit, dhe më dukej si njëqind vite më parë;
Tashmë miqtë duken sikur qeshin me trishtim tek kujtojnë ëndrrat e dikurshme.
Nuk të duket e mençur, më mirë t’mos rriteshim? Ndërsa shëtisja mes pemëve dje,
a s’i sheh rrudhat mbi ballin tim?
Dhe nëse më sheh duke pirë verë të kuqe,
mos u merakos për djalin që dashuron;
Do putheni dhe do dhuroni një lamtumirë, por kujdes, po të them, oh Zot, hap sytë! Të lutem, më fal kur të iki fshehurazi tej, më quaj dembel,
s’kam kohë për të humbur…
A s’mendon se është koha për t’u zhdukur?
100 vite më parë
ROLLING STONES
Shkëputur nga libri “Rock’n’roll, Muzikë, Liri dhe Poezi”, përzgjedhur dhe përkthyer nga Genci Muçollari, Albas, 2023
@gencimucollari
@albaspublishinghouse