SKULPTURA “LA NONA ORA” (ORA E NËNTË), 1999
E prezantuar në një tapet të kuq, “La Nona Ora”, është një skulpturë e famshme nga artisti italian Maurizio Cattelan, pjesë e koleksionit Pinault, paraqet Papa Gjon Palin e II-të të goditur nga një meteor. Titulli është një jehonë për historinë e Krishtit, i cili, në “Orën e nëntë” të agonisë së tij, qau duke bërtitur, “Zoti im, Zoti im, përse më ke harruar?” Me një inskenim çuditërisht realist, Cattelan vë në pikëpyetje fuqinë e fesë mbi vdekjen.
E drejtpërdrejtë dhe e dhunshme, skulptura “La Nona Ora” shkaktoi një skandal. Në Poloninë Katolike, një drejtor muzeu u detyruar të dorëhiqej. I lindur në vitin 1960, Cattelan është i famshëm për veprat e tij neo-pop, të cilat thërrasin figurat simbolike me famë botërore, të tilla si Papa apo Hitleri. Ndryshe nga hiperrealizmi i amerikanit Duane Hanson, punimet e tij, duke kombinuar përsosmërinë teknike me humorin, janë kontradiktore.
“La Nona Ora” u ekspozua për herë të parë nga Koleksioni Pinault gjatë ekspozitës së vitit 2009 “Qui a peur des artistes ?” (“Kush ka frikë nga Artistët?”) në Palais des Arts në Dinard.
Burimi: https://lesoeuvres.pinaultcollection.com/en/artwork/la-nona-ora
Copyright i përkthimit www.enkeledasuti.com
Përzgjodhi dhe përktheu Enkeleda Suti.
#art #mauriziocattelan #lanonaora #enkeledasuti