Një meteor godet Papa Gjon Palin e II-të
SKULPTURA “LA NONA ORA” (ORA E NËNTË), 1999
“Ora e Nëntë” përfaqëson Papa Gjon Palin e II-të shtrirë përtokë pasi është goditur nga një meteor. Imazhi mediatik i Papës amplifikohet, përforcohet në skulpturë me shprehinë e tij të vuajtjes. Titulli i veprës sjell ndër mend çastin kur Krishti qan duke bërtitur: “Përse më ke harruar (drejtuar Zotit)?” dhe vdes mbi kryq. Në një teatër të terrtë të absurdit, mëkëmbësi i Krishtit mbi tokë vdes në një skenë i çliruar nga tiparet simbolke, i vrarë nga një meteor si në një vepër fantastiko-shkencore.
Maurizio Cattelan paturpësisht hedh një meteor mbi atë që duket si Papa Gjon Pali i II-të. Duket sikur skulptura sugjeron se edhe njeriu më i shenjtë në traditën katolike romane nuk është imun ndaj fatkeqësive.
Kjo vepër është interpretuar në disa mënyra. Disa e kanë lexuar si një koment ndaj reputacionit të Kishës Katolike që ‘strehon’ skandale poshtë sipërfaqes së saj moraliste. Të tjerë e kanë parë si një sugjerim se, edhe karriget më të patundura të pushtetit mund të jenë vulnerabël.
Kisha është një institucion që ndryshon nga bota jonë gjithnjë edhe me shumë laike. Papa mund të jetë një simbol i aftësisë rimëkëmbëse dhe rishpikësëse; një thirrje për të gjetur një gjuhë të re për besimin e përjetshëm dhe kulturën për të mbijetuar dhe për t’u adaptuar.
Burimi: https://www.perrotin.com/artists/Maurizio_Cattelan/2/la-nona-ora/15420
Copyright i përkthimit www.enkeledasuti.com
Përzgjodhi dhe përktheu Enkeleda Suti.
#art #mauriziocattelan #lanonaora #enkeledasuti