Ti që i ke bërë keq një njeriu të thjeshtë
Duke shpërthyer në të qeshura në krim
Dhe që mbaje një tufë me budallenj rreth teje
Për të përzier të mirën dhe të keqen, për të mjegulluar vijën ndarëse
MEGJITHËSE TË GJITHË PËRKULESHIN PËRPARA TEJE
Duke thënë se virtyti dhe mençuria janë ato që ndrijnë rrugën tënde
Duke goditur me medalje ari në nderin tënd
I gëzuar që i kam mbijetuar edhe një dite tjetër
MOS U NDJE E SIGURT
POETI MBAN MEND
TI MUND TË VRASËSH NJË, POR NJË TJETËR DO TË LINDË
FJALËT SHKRUHEN, VEPRA DHE DATA
Dhe ti do t’ia kishe dalë më mirë me një agim dimri
Një litar, dhe një degë përkulur poshtë peshës tënde
Ti që ke gabuar
Përzgjodhi dhe përktheu Enkeleda Suti
Piktura nga Fatos Bylykbashi