(PJESA 2): TË KUPTOJMË ARTIN NË XHAM DHE TEKNIKAT E TIJ
Teknikat e artit në xham: Xhami i fryrë, Xhami i punuar me flakë, Xhami i derdhur
NGA REVISTA ARTLAND
Nga antikiteti deri në shekullin e 21-të janë përdorur një sërë teknikash të ndryshme të artit në xham nga artistët nëpër të gjithë botën. Le t’i eksplorojmë ato në detaje.
Xhami i fryrë
Arti i xhamit të fryrë krijohet përmes punimit/dhënies formë të xhamit të shkrirë në dizanjo të ndryshme. Xhami shkrihet përpara se artisti të përdorë një gyp metali (apo gyp për fryrje) për të fryë ajër në xhamin e shkrirë për të krijuar një flluskë që mund të formësohet në dizanjot më krijuese. Midis mjeshtrave të sotshëm të xhamit të fryrë është artisti amerikan Dale Chihuly, i cili ka krijuar vepra me famë në të gjithë botën të tilla si Dielli Paqësor (2011) dhe më vonë, Skulpturën e Shtëpisë prej Xhami (2012) në Kopshtin prej Xhami Chihuly, në Seattle.
Xhami i punuar me flakë
Punimi i flakës, gjithashtu e njohur si punimi i llampës, është një teknikë që përfshin përdorimin e një pishtari (apo të një llampe) për të shkrirë xhamin dhe më pas formësimin e tij duke përdorur instrumente më të specializuara të punimit të xhamit. Arti i xhamit të punuar me flakë u bë i famshëm në shekullin e 14-të në Murano (Itali) dhe në mes të shekullit të 19-të ai u shtri në Francë për prodhimin e topave prej xhami të realizuara duke punuar pjesë xhamash të ngjyrosur me një pishtar në formën e luleve, frutave, apo kafshëve të stilizuara, të cilat, më pas, futeshin në një kube xhami.
Xhami i derdhur
Një teknikë tjetër e përdorur zakonisht është xhami i derdhur apo derdhja e xhamit. Kjo metodë krijon objekte duke derdhur xham të shkrirë në modele të paradizenjuara. Pas kësaj, xhami lihet për t’u ngurtësuar. Kjo është një qasje për krijimin e artit në xham që është përdorur për një kohë të gjatë. Në fakt, historianët e kanë datuar zhvillimin e tij që në shekullin e 15-të para Krishtit në Egjiptin e Lashtë dhe Mesopotami.
Imazhi 1: Dale Chihuly, Diell Paqësor (2011) dhe Skulpturë Shtëpie Xhami (2012) në Kopshtin prej Xhami Chihuly, Seattle.
Imazhi 2: Skulpturë xhami e derdhur në furrë nga artistja nga Zelanda e Re, Sue Hawker
Burimi: https://magazine.artland.com/glass-art-guide-techniques/
Copyright i përkthimit www.enkeledasuti.com
Përzgjodhi dhe përktheu Enkeleda Suti.
#art #glassart #contemporaryart #enkeledasuti
