(PJESA 1): TË KUPTOJMË ARTIN NË XHAM DHE TEKNIKAT E TIJ
Çfarë është arti në xham?
NGA REVISTA ARTLAND
“Unë dua që njerëzit të përmbyten nga drita dhe ngjyra në një mënyrë siç nuk e e kanë përjetuar kurrë më parë.” – Dale Chihuly
Arti në xham ka qenë me ne për mijëra vjet, dhe ende mbetet një medium krijues dominues për artin bashkëkohor.
Ky medium përfshin vepra të realizuara pjesërisht ose plotësisht me xham. Veprat mund të përfshijnë vazo xhami, dritare me ngjyra, dhe pjesë xhevahirësh. Megjithatë, nuk janë vetëm objektet e krijuar nga xhami që janë interesante, por gjithashtu edhe metodat e ndryshme përmes të cilave realizohet ky art. Ndonëse ne që të gjithë mund të njohim zanatin e fryrjes së xhamit, ne mund t’i njohim më pak stilet e tjera të tilla si arti në xham të shkrirë ose të thurur.
Por kur ka filluar artbërja në xham?
Punimi i xhamit daton 3,600 vjet më parë në Mesopotami, por diskutimi se kur është realizuar me të vërtetë xhami i parë, është ende i hapur midis akademikëve. Megjithatë, përdorimi i xhamit për qëllime funksionale dhe dekorative nuk ka rreshtur kurrë së ekzistuari, dhe teknikat e zanatit janë zhvilluar dhe zgjeruar gjatë shekujve. Prodhimi i artit në xham ka kapur shpirtin e epokave të ndryshme të tilla si Epoka Mesjetare, me shkembujt magjepsës të dritareve me xham të ngjyrosur në kishat, manastiret dhe katedralet Katolike nëpër Evropë apo, më vonë, shpirtin në fillim të shekullit të 20-të me motivet dekorative të Art Deco dhe Art Nouveau, apo gjithashtu edhe eksperimentet e realizuara nga lëvizja e Studios Amerikane të Xhamit (American Studio Glass).
Imazhi 1: Dale Chihuly, Kopësht Xhami, Muzeu i Seattle-it, Washington
Imazhi 2: Dritare Art Nouveau nga Józef Mehoffer, Katedralja e Fribourg-ut, 1898-1899
Burimi: https://magazine.artland.com/glass-art-guide-techniques/
Copyright i përkthimit www.enkeledasuti.com
Përzgjodhi dhe përktheu Enkeleda Suti.
#art #glassart #contemporaryart #enkeledasuti
