(PJESA 5): ARTI I FRIKËSIMIT
Shekulli i 20-të: Një vizion surrealist shqetësues
Nga REVISTA ARTSPER
Surrealistët njihen për pikturat e tyre subversive, madje ndonjëherë edhe të frikshme. Kjo vepër nga artistja spanjolle, Remedios Varo luan me mendjen e frikësuar, të pavetëdijshme dhe imazherinë mbinatyrore, duke paraqitur një grua të veshur me mantel duke u larguar nga zyra e një psikoanalisti. Ajo mban një shportë plot me atë që Varo e quan “plehra psikologjike,” dhe kokën e tkurrur të një burri në dorën tjetër të saj. Ajo e var kokën mbi një pus të mbushur më lëngje.
Siç është sugjeruar nga historiania e artit Jacquelyn Yvonne White, kjo pikturë mund të simbolizojë marrëdhënien e Varo-s me vetë babin e saj, kokën patriarkale të familjes së saj. Koka që ajo po mban mund të përfaqësojë impaktin e kësaj marrëdhënie mbi vetë gjendjen e saj psikologjike. Në vijim të vizitës së saj tek psikoanalisti, ajo është në gjendje që ta heqë këtë peshë nga shporta e saj me shqetësime. Ky imazh është veçanërisht i fuqishëm kur e konsiderojmë brenda kontekstit të Spanjës së shekullit të 20-të. Në atë kohë, familjet ishin tradicionalisht patriarkale dhe babai kontrollonte në masën më të madhe jetën e bashkëshortes dhe të vajzave të tij. Piktura e Varo-s me një grua e cila ‘heq qafe’ kokën e babit përfaqëson çlirimin nga struktura patriarkale në të cilat ajo ka lindur.
Piktura: Remedios Varo, Mujer Saljendo del Psicoanalista (Një grua duke u larguar nga psikoanalisti), 1962
Burimi: https://blog.artsper.com/en/a-closer-look/the-art-of-the-frightening/
Copyright i përkthimit ëëë.enkeledasuti.com
Përzgjodhi dhe përktheu Enkeleda Suti.