(PJESA 6 – E FUNDIT): ARTI I FRIKËSIMIT
Paraqitja rrënqethëse e vdekjes nga Warhol
Nga REVISTA ARTSPER
Rreth së njëjtës kohë teksa Varo po prodhonte veprat e saj surrealiste, Arti Pop ishte tashmë i famshëm në Mbretërinë e Bashkuar dhe Shtetet e Bashkuara. Zakonisht e lidhur me ngjyrat dhe imazhet e ndezura, të përvetësuara nga kultura pop, kjo vepër nga Andy Warhol përfaqëson anën e errët të lëvizjes. E zhveshur nga ngjyra apo jeta, një karrige elektrike paraqitet në një dhomë ekzekutimi. Warhol ka prodhuar disa vepra duke përdorur këtë imazh duke filluar nga viti 1963, viti i dy ekzekutimeve të fundit në Amerikë. Këto vepra janë një koment mbi përdorimin e diskutueshëm të karriges elektrike në Sh.B.A në vitet 1960, duke pikturuar një imazh të zymtë, e megjithatë prekës të vdekjes në duart e shtetit.
Frika vjen në shumë forma…
Frika është një pjesë integrale e përvojës njerëzore. Qoftë për rënien e njerëzimit, për çmendurinë, apo për vetë vdekjen, artistët kanë paraqitur frikërat dhe shqetësimet e tyre nëpërmjet artit për shekuj. Si edhe duke përfaqësuar frikërat që ata kanë patur si individë, shumë nga këta artistë kanë synuar gjithashtu të nxisin sensacione frike tek audiencat e tyre. Qëllimi i të frikshmes në art nuk mbaron kurrë. Këto shembuj përbëjnë vetëm një fraksion të vogël të tyre. Nga pikturat e frikshme të Bosch-it, Pikturat e Zeza të frikshme të Goya-s, deri tek skulptura përndjekëse e Claudel-it, cila vepër ishte më frikësuese për ju?
Imazhi: Andy Warhol, Karrige elektrike, 1964
Burimi: https://blog.artsper.com/en/a-closer-look/the-art-of-the-frightening/
Copyright i përkthimit www.enkeledasuti.com
Përzgjodhi dhe përktheu Enkeleda Suti.