(PJESA 4): ARTI I FRIKËSIMIT
Një figurë mitologjike përndjekëse
Nga REVISTA ARTSPER
Artistja franceze Camille Claudel gjithashtu ka eksploruar përvojën njerëzore subjektive në veprat e saj, këtë herë në formën e një skulpture. Pas mbërritjes në Paris në moshën 17-të vjeçare, asaj iu mohua hyrja në École des Beaux Arts (Shkollën e Arteve të Bukura), e cila në atë kohë ishte vetëm për meshkujt. Pavarësisht kësaj, ajo u bë një nga artistet më të arrira.
Claudel ishte një studente e Auguste Rodin, dhe shumë shpejt ajo u bë modelja dhe partnerja e tij romantike. Ajo ka vuajtur shumë gjatë karrierës së saj, financiarisht dhe psikologjikisht. Për shkak të elementit seksual të veprës së saj dhe përfaqësimeve të guximshme të formës njerëzore nga ana e saj, asaj iu mohuan financimet si një artiste. Për pasojë, ajo ishte e detyruar të varej financiarisht nga Rodin. Pas vdekjes së të atit, Claudel u refuzua gjithashtu edhe nga familja e saj, e cila nuk ishte dakord me stilin e saj të jetesës. Ajo u shtrua në spital psikiatrik nga i vëllai kur ajo ishte në moshën 48-të vjeçare.
Claudel u ndje e tradhëtuar nga familja e saj dhe nga Rodin. Ajo ndali së bëri art pas shtrimit në spital për shkak të frikës se Rodin do të vidhte idetë e saj. Clotho është një skulpturë që ajo e prodhoi kur ishte ende me Rodin, e frymëzuar nga figura e Clotho-s, nga mitologjia greko-romake. Ajo përfaqëson procesin e plakjes nëpërmjet trupit të dobët dhe të shformuar të një gruaje të moshuar. Në atë kohë, kjo vepër ishte shokuese duke qenë se ishte larg standardeve franceze të bukurisë akademike. Trupi i dobët, i vyshkur i Clotho-s shprehte jo vetëm tranzicionin e saj në moshën e plakjes, por gjithashtu dhimbjen dhe vuajtjet që ajo po përjeton.
Skulptura: Camille Claudel, Clotho, 1893
Burimi: https://blog.artsper.com/en/a-closer-look/the-art-of-the-frightening/
Copyright i përkthimit www.enkeledasuti.com
Përzgjodhi dhe përktheu Enkeleda Suti.
