(PJESA 3): ARTI I FRIKËSIMIT
Pikturat e frikshme të Francisco Goya
Nga REVISTA ARTSPER
Piktura “Saturni duke përpirë të birin” e Francisco Goya është një shembull i ndryshimeve/ zhvendosjeve artistike. Kjo vepër paraqet Saturnin, të atin e Zeusit në mitologjinë greke, duke ngrënë të birin. Sipas mitologjisë, Saturni i hëngri të gjithë fëmijët e tij nga frika se ata mund ta rrëzonin atë nga froni. Kjo vepër është një nga Pikturat e Zeza të Goya-s, një seri veprash që ai prodhoi ndërmjet viteve 1819 dhe 1823. Deri në atë kohë, artisti kishte kaluar pjesën e tij të dhimbjeve dhe vështirësive. Ai kishte qenë dëshmitar i Luftrave Napoleoniane, dhe i kishte mbijetuar thuajse dy sëmundjeve fatale. Për pasojë, ai u bë më i hidhët ndaj njerëzimit dhe kishte vuajtur nga traumat mendore.
Ai u vendos në një shtëpi jashtë Madridit të quajtur “Vila e Njeriut të Shurdhët” në vitin 1819, ku ai prodhoi Pikturat e tij të Zeza. Këto vepra nuk ishin synuar kurrë për të lënë shtëpinë e tij apo për t’u parë nga publiku. Ai punonte në mënyrë private, duke i pikturuar ato drejtpërdrejtë në muret e brendshme të shtëpisë së tij. Më pas, veprat ishin marrë dhe ishin bashkëngjitur në telajo nga një pronar i mëvonshëm i shtëpisë.
Pikturat e Zeza të Goya-s konsiderohen se janë rezultat i rënies psikologjike dhe fizike të artistit gjatë kësaj periudhe. Ato reflektojnë, në veçanti, frikën e tij nga sëmundja dhe çmenduria, si edhe këndvështirmin e tij pesimist për njerëzimin. Ngjyrat, tematikat dhe subjektet e tyre të errta i bëjnë ato disa nga pikturat më të frikshme.
Piktura: Francisco de Goya, Saturni duke përpirë të birin, 1819–1823
Burimi: https://blog.artsper.com/en/a-closer-look/the-art-of-the-frightening/
Copyright i përkthimit www.enkeledasuti.com
Përzgjodhi dhe përktheu Enkeleda Suti.