FOLMË, ZEMËR RËNKUESE
Çfarë detyrash qesharake po shpik për vetveten
Duke vajtuar në garazhdin e errët
Me qesen tënde me plehra
NUK ËSHTË DETYRA JOTE TË DERDHËSH PLEHRAT
DETYRA JOTE ËSHTË TË ZBRAZËSH LAVAMANIN
Ti po tregohesh sërish mëndjemadhe
Saktësisht siç ke bërë në fëmijëri
Ku është ana jote sportive?
Veçimi yt i famshëm ironik
Një dritëhënë e vogël godet
Dritaren e thyer
Një dritëhënnë e vogël vere
E ëmbël
Murmurin nga toka me ëmbëlsinë e saj të gatshme
Kjo është mënyra se si komunikon me
Bashkëshortin tënd
Duke mos u përgjigjur kur ai telefonon
APO KJO ËSHTË MËNYRA SE SI SILLET ZEMRA KUR AJO KA DHIMBJE?
Nëse do të isha ti
Do të mendoja përpara në kohë
Pas pesëmbëdhjetë vjetësh
Zëri i tij mund të lodhet
NJË NATË
NËSE NUK PËRGJIGJESH TI
DO TË PËRGJIGJET DIKUSH TJETËR
Mesnatë
Louise Gluck
Përzgjodhi dhe përktheu Enkeleda Suti
Skulptura, Vdekja dhe vasha nga Pierre Eugene Emile Hebert