(PJESA 1): PËRSE I DONTE VAN GOGH LULET E DIELLIT?
Roli vendimtar i fëmijërisë së artistit
Nga REVISTA ARTSPER
Në mes të shekullit të 19-të, familja e Van Gogh-ut jetonte një jetë të thjeshtë në një qytezë rurale holandeze e quajtur Zundert. Fëmijëria e Vincent van Gogh në një familje borgjeze pati një impakt të konsiderueshëm tek artisti i mallkuar. Në fakt, ajo la një shenjë të përhershme. Përtej kësaj, hyrja e Van Gogh-ut në këtë botë ndodhi gjatë një periudhe dhimbjeje të tmerrshme për familjen e tij. E ëma e tij kishte lindur një foshnjë të vdekur vetëm një vit më parë. Kjo tragjedi e shënjoi familjen, duke lënë pas ankth dhe frikë pas humbjes së njeriut të dashur. Një fëmijë i mbyllur dhe me një mendje disi të ngushtë, ai gjeti ngushëllim të ëndërrimi syhapur. Atij i pëlqente të ishte një lule muri, shpesh duke vëzhguar mjediset e tij rrethuese, të cilat dikush do t’i përshkruante si banale.
Për të vlerësuar plotësisht shtrirjen e adhurimit të luleve të diellit nga Van Gogh, është e nevojshme të eksplorojmë historinë që artisti ka lënë pas. I ardhur nga një fshat që nuk ishte shumë i rëndësishëm brenda skenës kulturore apo politike, luksi nuk ishte pjesë e fëmijërisë së artistit. Ndoshta kjo është arsyeja përse ai ishte kaq i dhënë pas luleve të diellit, të cilat ai i quante “lule dielli rustike.” Kur shihte një lule dielli, ai nuk vinte re asnjë fije rafinimi. Dhe megjithatë, lulet e diellit ngjallin një bukuri të veçantë. Atë të fshatit të vërtetë, atë të jetës së vërtetë, atë të njerëzve të vërtetë.
Lulja e diellit ishte e trashë, e ashpër dhe e papërsosur, petalet e saj të ashpra dhe kërcelli i që ndryshojnë në pamje, dhe që rrotullohet me lëvizjen e diellit. Ne mund të hamendësojmë se ngjyra e ndezur e ka ndihmuar për të ndriçuar ditët e tij, të cilat ai i kalonte ose në Hollandë, në Paris apo në Arles.
Piktura 1: Paul Gauguin, Vincent van Gogh duke pikturuar lulet e diellit, 1888
Piktura 2: Vincent van Gogh, Luledielli, 31 gusht 1887
Burimi: https://blog.artsper.com/en/get-inspired/why-van-gogh-loved-sunflowers/
Copyright i përkthimit www.enkeledasuti.com
Përzgjodhi dhe përktheu Enkeleda Suti.
#impressionism #modernart #painting #paulgauguin #vincentvangogh #enkeledasuti