HAUS AM HORN
Shtëpia e parë rezidenciale eksperimentale e ndërtuar sipas koncepteve të Bauhaus
Vajmar, Gjermani
NGA Architectuul.com
Haus am Horn është një shtëpi rezidenciale eksperimentale e ndërtuarsi pjesë e ekspozitës së parë Bauhaus në vitin 1923. Ajo është dizenjuar nga piktori Georg Muche, atëherë mjeshtri më i ri i Bauhaus dhe e ndërtuar sipas praktikës së drejtorit të Bauhaus, Walter Gropius nën drejtimin e arkitektit Adolf Meyer. Mobiljet janë dizenjuar nga Marcel Breuer, ndërsa dritat nga Laszlo Moholy-Nagy. Të gjitha pjesët e brendshme janë prodhuar në punishtet e Bauhaus. Në vitin 2003, shtëpia u restaurua plotësisht me rastin e 80 vjetorit të Bauhaus.
Haus Am Horn ishte prototipi i idesë së Bauhaus për shtëpitë rezienciale. Modeli për konceptin e saj hapësinor janë hojet e bletëve. Një hapësirë kryesore, dhoma e ndjenjes, rrethohet nga disa hapësira më të vogla buzë më buzë. Ajo ka një sipërfaqe 6x6m dhe përbën thuajse gjysmën e hapësirës totale prej 12.7×12.7m. Hierarkia e hapësirave të ndryshme është e dukshme nga pjesa e jashtme. Hapësira kryesore ekspozohet përmes një kubi më të madh në qendër të strukturës.
Haus am Horn paraqet konceptimin Bauhaus për jetesën moderne dhe integron nevojat sociale të një familje. Në nivel ndërtimi, Bauhaus kërkonte të përdorte metoda të reja të llojeve specifike dhe standardizimin që mund të adoptohet për prodhimin në masë me objektivin për të reduktuar kostot e ndërtesave. Përveç aspekteve teknike të ndërtimit dhe bashkëpunimin e frytshëm të arteve të ndryshme, misioni i shkollës ishte çështja e progresit teknik dhe zhvillimit social pasi fundi i Luftës së Dytë Botërore u bë i dukshëm.
Burimi: https://architectuul.com/architecture/haus-am-horn
Copyright i përkthimit www.enkeledasuti.com
Përzgjodhi dhe përktheu Enkeleda Suti.