PJESA 4: ANA E ERRËT E
TREGUT TË ARTIT DIXHITAL
Kosto
e makinerive energji-gëlltitëse
Nga Revista
ARTSPER
Problemi
ekologjik i NFT-ve është tek konsumimi dhe jo tek prodhimi i tyre. Aktualisht,
NFT-të operojnë nëpërmjet një sistemi sigurie kriptomonedhash si ‘Ethereum’ dhe
‘Bitcoin’ për të mbrojtur transaksionin. Sistemi funksionon nëpërmjet një serie
fjalëkalimesh komplekse, si një gjueti thesari, duke e berë gjithnjë edhe më të
vështirë hakerimin e rekordeve të tyre financiarë. Këto fjalëkalime të vështira
krijohen nga makineri energji-gëlltitëse.
Ky
proces është pabesueshmërisht jo efiçient me qëllim. Ideja është që duke përdorur
shuma kopjuese energjie elektrike, të quajtuara ironikisht si njësi “gazi”, ti
duhet të paguash shumë në mënyrë që të marrësh pjesë. Kjo shërben si një
barrierë duke lejuar që vetëm aktorët seriozë të hyjnë në treg. Për pasojë, ‘Ethereum’
përdor po aq shumë energji elektrike sa i gjithë shteti i Libias!
Në
gjendjen aktuale të tregut dixhital, NFT-të blehen dhe shiten gjerësisht në markata
të tilla si “Nifty Gateway” dhe “SuperRare”. Këto markata përdorin ekskluzivisht
kriptomonedhën ‘Ethereum’. Këtu mund të filloni të shihni problemin me afilimin
e NFT-ve me’ Ethereum’. Dhe problemi nuk ndalon këtu!
“Shumë
transaksione NFT dërgojnë një sinjal të fuqishëm ekonomik tek minatorët të cilët
mund të çojnë në rritjen e emisioneve,” thotë Susanne Köhler, kërkuese e teknologjive
të qëndrueshme blockchain në Universitetin Aalbord të Danimarkës. Nëse NFT-të çojnë
në një rritje të konsiderueshme të vlerës së ‘Ethereum’, minatorët mund të përpiqen
të arkëtojnë duke rritur numrin e makinerive që ata përdorin. (Siç mund ta
dini, një person i cili vepron me monedha kripto quhet një minator).
Pergjithësisht, më shumë makineri do të thotë më shumë ndotje. Edhe nëse
makineritë e reja janë më të mira për zgjidhjen e fjalëkalimeve, që do të thotë
se përdorin më pak energji, këto fjalëkalime janë dizenjuar që të bëhen
progresivisht edhe më të vështira. Çdo progres do të zhvlerësohet nga një
sistem, i cili është dizenjuar për t’i mbajtur gjërat jo efiçiente.
Përkufizim:
Një NFT është një aset dixhital që përfaqëson objektet e botës reale si art,
muzikë, artikujt në lojra dhe video. Ato blihen dhe shiten online, më shpesh me
kriptomonedha, dhe përgjithësisht ato janë të koduara me të njëjtin program
kompjuterik si shumë kripto.
Copyright i përkthimit www.enkeledasuti.com
Përzgjodhi dhe përktheu Enkeleda Suti.