Nga REVISTA ARTSPER
Që nga zbulimi i punës së saj, Vivian Maier (1926-2009) ka
krijuar një interes të fortë në botën e artit. Eksentrike, misterioze dhe
vetmitare, historia e saj magjeps këdo, edhe ata që në fillim kanë qenë më
skeptikët për të. Veprat e saj kanë një ndjesi poezie urbane, ëmbëlsie, dhe mirësie,
e cila i ka mesmerizuar audiencën dhe institucionet artistike nëpër botë.
Këtu do të gjeni 10 fakte të rëndësishme rreth jetës së
enigmatikes Vivian Maier:
{Vivian Maier nuk ia ka treguar kurrë fotgrafitë e saj asnjë
njeriu}
Më shumë sesa 120.000
negativë mbetën në kuti për dekada. Ajo thuajse nuk lau kurrë asnjë fotografi.
{Vivian
Maier ka punuar si dado për të gjithë jetën e saj}
Vivian
Maier ka punuar nëpër familje në Nju Jork dhe Çikago nga viti 1951 deri në
vitin 1993. Tre vëllezërit që ajo kishte
rritur u kujdesen për të deri kur ajo vdiq. Kur punëdhënësit e saj e pyetën se
kush ishte ajo në të vërtetë, ajo do të përgjigjej: “Unë jam një farë spiuneje”.
{Vivian
Maierka ka qenë një artiste e panjohur përpara vitit 2009}
Do të
ishte në një shitje gjyqësore që John Maloof dhe koleksionsitë të tjerë do të
blinin negativët e saj.
{Vivian
Maier ishte amerikane, por të gjithë mendonin
se ajo ishte franceze}
Ajo fliste
me një theks të fortë francez, ndoshta në kujtim të familjes së të ëmës, vendase
franceze, ku ajo kishte kaluar disa vite.
{Vivian
Maier endej nëpër qytet me një kamera Rolleiflex}
Rolleiflex
e lejoi atë që të bënte fotografi portretesh intime dhe natyrale të huajve që
ajo do të takonte. Duke qenë se, shkrepja bëhej nga sipër, ajo i bënte
fotografitë madje pa u vënë re fare.
{Një
dokumentar ka kontribuar në famën e Vivian Maier}
Në vijim
të fenomenit “Në kërkim të Njeriut Sheqer”, që e risolli në qendër të skenës Sixto
Rodriguez, dokumentari i vitit 2013 “Në kërkim të Vivian Maier’ – i nominuar për Çmimin Oscar si Dokumentari më i Mirë në vitin 2015 – ka kontribuar në rizbulimin e saj.
Silogomania
karakterizohet nga akumulimi kompulsiv dhe i tepërt i objekteve, pavarësisht se
sa të padobishme dhe pavlefshme mund të jenë ato. Kur Vivian Maier mbërrinte në
familje, ajo do të paralajmëronte punëdhënësit e saj: “Më duhet t’ju them se unë
vij me jetën time dhe jeta ime është në kuti”.
{Vivian
Maier ka përdorur emra fallco gjatë gjithë jetës së saj}
Nga një
familje tek një tjetër, ajo është quajtur Meyer, Mayer, Meier, Maier, apo madje
edhe Viv Smith.
{Vivian
Maier mund të krahasohet me lehtësi me fotografët më të mëdhenj të shekullit të
20-të}
Fotografitë
e saj më fëmijë që luajnë na kujtojnë Helen Levitt (1913-2009). Ajo satirizon
borgjezen si Diane Arbus (1923-1971), heton periferitë siç
bënte edhe Weegee (1899-1968), dhe di se si të luajë me kuadrin dhe fotografitë
e mjegulluara si Robert Frank (1924-.)
Vivian
Maier ka thënë dikur: “Asgjë nuk mund të zgjasë përgjithmonë, ne kemi
nevojë që të krijojmë hapësirë për njerëzit e tjerë; është një mekanizëm. Ti
vazhdon përpara, duhet të shkosh deri në fund dhe dikush tjetër do të zerë
vendin e tyre.”
Sot,
ajo është një fotografe e madhe e cila zë vendin e një dadoje enigmatike.
(Imazhi
1: Pa titull, 1957)
(Imazhi
2: 5 maj, Nju Jork, 1955)
(Imazhi
3: Pa titull, 1954)
(Imazhi
4: Pa titull, Pa date)
(Imazhi
5: Autoportret, 1971)
(Imazhi
6: Ndërmjet 2009 dhe 2015, Vivian Maier pati
18 shfaqje individuale dhe 12 shfaqje në grup)
(Imazhi
7: Vivian
Maier ka vuajtur nga silogomania – koleksionimi pa
ekses)
(Imazhi
8: Pa titull, Kanada)
(Imazhi
9: Egjipt, 1959)
(Imazhi
10: Nju Jork, 24 shtator 1959)
Burimi: https://blog.artsper.com/en/a-closer-look/10-facts-know-vivian-maier/
Përzgjodhi dhe përktheu – Enkeleda Suti.
