Na ishte një herë një fermer kinez, i cili humbi një kalë,
që u largua dhe të gjithë fqinjët erdhën ta vizitonin atë mbrëmje dhe i thanë,
‘o sa keq!’ dhe ai iu përgjigj, ‘ndoshta’. Ditën tjetër, kali u kthye dhe me
vete kishte sjellë edhe shtatë kuaj të tjerë, të egër. Pastaj, të gjithë fqinjët
erdhën ta vizitonin dhe i thanë, ‘fantastike, apo jo?’ dhe ai iu përgjigj,
‘ndoshta’. Ditën tjetër, djali i tij u tundua që të zbuste një nga këta kuaj,
dhe ndërsa po kalëronte mbi njërin kalë, ai u rrëzua dhe theu këmbën. Dhe të
gjithë fqinjët erdhën ta vizitonin atë mbrëmje, dhe i thanë, ‘o sa keq!’ dhe ai
iu përgjigj, ‘ndoshta’. Ditën tjetër, erdhën njerëz nga Zyra e Rekrutimi duke kërkuar
për njerëz që t’i bashkoheshin ushtrisë, dhe ata e refuzuan djalin e tij sepse
ai kishte një këmbë të thyer. Dhe të gjithë fqinjët erdhën ta vizitonin atë mbrëmje
dhe i thanë, ‘fantastike, apo jo?’ dhe ai iu përgjigj, ‘ndoshta’…
I gjithë procesi i natyrës, është një proces i integruar,
i një kompleksiteti të thellë dhe është e pamundur të themi që çdo gjë që ndodh
është e mirë, apo e keqe, sepse ne nuk i dimë kurrë pasojat e fatkeqësisë(ve)
ose se cilat do të jenë pasojat e një fati të mirë.
Burimi: https://www.youtube.com/watch?v=byQrdnq7_H0
Përzgjodhi dhe përktheu Enkeleda Suti.
