Nga ARTSY
Tmerret
e luftës u kthyen në një tematikë të vazhdueshme për artistët e Ekspresionizmit
Gjerman, dhe disa nga imazhet më të përcëlluara të lëvizjes janë nga artistja
me bazë në Berlin, Käthe Kollwitz. Ndonëse fillimisht ajo studio për pikturë, në
vitin 1890, Kollwitz u fokusua tek gravurat , një medium që ajo besonte se,
mund të paraqiste më mirë kritikat sociale. Imazhet e saj të hershme nënvizojnë
gjendjen e keqe të të varfërve dhe të të shtypurve, si një mënyrë për të dënuar
politikat sociale konservatore të qeverisë gjermane. Por vepra e saj më e
njohur dhe më e shtrenjtë, u realizua në përgjigje të Luftës së Parë Botërore
dhe vdekjes së djalit të saj në betejë.
Në
vitin 1919, Kollwitz filloi serinë e saj me influencë “Krieg” (“Lufta”): printime
në dru që portretizojnë nënat, vejushat dhe fëmijët vajtues me fshikullime të
ashpra me bojë të zezë. Këtu, Kollwitz tregon sakrificën e nënave, duke hequr dorë
nga fëmijët e tyre për luftën, trishtimi i subjektit theksohet nga paleta e
errët dhe shtëllungat mishtore me bojë të zezë. Zgjedhja e Kollwitz për të
përdorur dru nuk ishte thjesht stilistike: Ajo “kërkonte që këto vepra të
shikoheshin gjerësisht,” ka shkruar Heather Hess nga MoMA në vitin 2011. “Duke
eliminuar referencat ndaj një kohe apo vendi specifik, ajo krijoi tregues
universalisht të lexueshëm për sakrificat e vërteta që kërkoheshin në këmbim të
këncepteve abstrakte të nderit dhe lavdisë.” Në vitin 1933, vepra e Kollwitz u
dënua nga Nazistët si e degjeneruar, të cilat, më vonë, ironikisht ata i përdorën
si propagandë.
Burimi:
Përzgjodhi
dhe përktheu – Enkeleda Suti.