KUSH ISHTE JEAN-MICHEL BASQUIAT?

Nga REVISTA ARTSPER

Kush ishte Jean-Michel Basquiat? Ky personazh misterioz i skenës së artit
bashkëkohor të viteve 1980, vazhdon të na magjepsë edhe sot. Arti i tij,
njëherësh i papërpunuar dhe naiv, dhe i mbushur me influenca nga arti i rrugës vazhdon
të frymëzojë sot artistë të shumtë. Artsper ka përzgjedhur 12 fakte që duhet të
dini rreth jetës shumë të shkurtër, por të pasur të artistit Jean-Michel
Basquiat.

#1

Në moshën 17 vjeçare,
ai u largua nga shtëpia e prindërve në Brooklyn për të jetuar në Manhattan-in e
poshtë. Ai ia doli që të mbijetonte duke u përplasur nëpër shtëpitë e shokëve të tij përkohësisht,
apo duke jetuar në rrugë me pijanecët dhe drogaxhinjtë. Ai mbijetoi duke shitur
t-shirts dhe kartolina të bëra vet.

#2

Jean-Michel Basquiat jetoi në shtëpinë e Larry Gagosian për
një vit. Ai punonte në një hapësirë bodrumi. Pikturat e tij u ekspozuan në Galerinë
Gagosian në Hollywood-in Perëndimor. Në atë kohë, ai ishte i lidhur me
Madonna-n, dhe ajo jetoi me ta për disa muaj.

#3

Në moshën 11 vjeçare,
Basquiat fliste tre gjuhë: anglisht, frengjisht, dhe spanjisht. E ëma e tij
ishte portorikane dhe i ati haitian dhe që të dy i flisnin atij në gjuhën e tyre
mëmë.

#4

Kritiku i artit të
‘The TIME’, Robert Hughes, thoshte për Basquiat se ai ishte “Eddie Murphy i botës
së artit” dhe ajo që njerëzit pëlqenin tek ai ishte personi i tij “i ri, i
zhurmshëm…”. Ndërsa për mikun
e ngushtë të Basquiat, Keith Haring që ai nuk ishte asgjë veçse një “zbukurues
diskosh”.

#5

Kur ai ishte fëmijë,
e përplasi nga një makinë, duke i shkaktuar atij dëmtime të brendshme serioze.
Për ta shpërqëndruar atë gjatë kohës në spital, e ëma i dha atij një libër mjekësor
“Anatomia e Gray-t”, e cila më vonë e frymëzoi emrin e bandës së tij “Gray”. Më
e rëndësishme, ky libër ishte një referencë kryesore për veprën e tij artistike,
duke qenë se stili i tij përcaktohej nga simbolet dhe imazheria e gjuhës
anatomike.

#6

Basquiat
kishte një bandë rroku të titulluar “Gray”. Ai gjithashtu prodhoi një disk ‘hip
hop’ të titulluar “Beat Bop”. Basquiat dizenjoi kapakun e kësaj pjese, e cila tërhoqi
vëmendjen e koleksionuesve të artit dhe të disqeve.

#7

Me shumë mundësi,
ai ka qenë një nga anëtarët më të rinj të Muzeut të tij të preferuar, Muzeut
Brooklyn. E ëma e tij e çonte atë shpesh në Muze në Manhattan kur ai ishte ende
i ri dhe ajo e nxiste talentin e tij artistik.

#8

Në moshën 21 vjeçare,
Basquiat ishte artisti më i ri që ekspozoi “Documenta VII”, në Kassel, në Gjermani.

#9

Të dy, Muzeu i
Artit Modern dhe Muzeu i Artit Amerikan ‘Whitney’ i refuzuan veprat e Basquiat.

#10

Në fillim të viteve
1980, Basquiat nuk ka qenë i afiluar me asnjë bankë dhe ai refuzonte të kishte
një llogari bankare. Ai i mbante të gjitha paratë e tij në loft-in e tij, të
fshehur poshtë sixhades, ndërmjet jastekëve të divanit të tij dhe tek librat.

#11

Ai u shfaq në videon
muzikore të Blondie-s “Rapture”. Debbie Harry and Chris Stein blenë pikturën e
parë të Basquiat për 200 dollarë.

#12

Ai e filloi si
artist grafiti dhe përdorte nofkën “Samo” (që do të thotë – for Same Old Sh*t)
me mikun dhe bashkëpunëtorin Al Diaz. Ai i vendoste në mënyrë strategjike artin
e tij afër galerive dhe muzeve dhe ku artistët ekspozonin veprat e tyre në mënyrë
që të bëheshin të njohur. Në vitin 1978, Revista “Village Voice” (Zëri i
fshatit) e uruan atë që u spikat në këtë mënyrë.