Nga REVISTA ARTSPER
#1 Ai pikturon vepra intime
David Hockney e
merr frymëzimin nga skutat më të thella të vetes së tij të brendshme. Përvojat,
ndjenjat dhe emocionet e tij qëndrojnë të zhveshura në kanavacë. Në vitet 1960,
pasi u vendos në Los Angeles, ai u dashurua me një nga studentet e tij të
vizatimit. “Portret i një artisti” (Pishina me dy figura) është një shprehje e
zhgënjimit dashuror nga kjo marrëdhënie e trazuar, edhe disa vite pas përfundimit
të saj. Hockney paraqet një të dashuruar me një shikim të pandjeshëm, duke
sinjalizuar kolapsin e idhullit romantik. Por David Hockney është më shumë sesa
jeta e tij dashurore. Ai pikturon prindërit e tij, duke na shpalosur personalitetin
e tyre, peisazhet e fëmijërisë së tij, miqtë e tij, dhe karriget e zbrazura nga
humbja e njerëzve të dashur…
# 2 Ai e ka refuzuar artin avantgard dhe artin konceptual
Një artist i rëndësishëm
i shekullit të 20-të, përgjatë viteve David Hockney e ka gjetur veten në skajet
e disa prej tendencave kryesore. Marrëzisht i dashuruar me vizatimin dhe me
pikturën, dhe i apasionuar pas arteve figurative, ai e ka refuzuar konceptualizmin.
Ai e ktheu vëmendjen e tij ndaj subjekteve të neglizhuara nga artistët e tjerë
të gjeneratës së tij të tilla si peisazhet, duke i paraqitur ato me një
modernitet unik për të: “Kur ata thonë se e kanë bërë gjininë e peisazheve, kjo
është e pamundur. Njeriu nuk mund të lodhet kurrë nga natyra,” thotë artisti. I
frymëzuar nga Van Gogh, Picasso, Dubuffet dhe Matisse, ai u shkëput nga perspektivat
klasike dhe zhvilloi një paletë shumëngjyrëshe.
#3 Një piktor 2.0
Me një parapëlqim për
pikturën figurative dhe një dashuri për peisazhet, David Hockney e refuzon idenë
se natyra është e vdekur. Artisti thekson gjithashtu dështimet e fotografisë
dhe të kinematografisë, të tilla si pandashmëria e tyre nga teknologjia. Atij i
pëlqen të vizatojë duke përdorur Ipad-in dhe Iphon-in e tij! Një medium të cilin
ai ka filluar ta përdorë që në vitin 2008, duke e lejuar atë që të eksplorojë
forma të tjera përfaqësimi.
#4 Ai ka një peshë të konsiderueshme në tregun e artit
Në moshën 80-të vjeçare
(duke iu referuar vitit 2017), David Hockney është një nga artistët e gjallë më
të pasur, së bashku me Jeff Koons dhe Damien Hirst. Sipas një vlerësimi i vitit
2013, veprat e tij kanë tërhequr të paktën 40 milionë euro. Ato përpihen nëpër
ankande, ku vetëm piktura “Bashkëshortja në Beverly Hills’ arriti rekordin prej
7.9 milionë euro në vitin 2009.
#5 Atij i pëlqejnë cigaret dhe qentë e tij
Çdo artist ka fiksimet e veta, dhe David Hockney nuk përbën
përjashtim; ai nuk mund t’ia dalë pa qentë dhe pa cigaret e tij. David, Stanley dhe Boodgie janë të
pandashëm, dhe ai nuk lejon që t’i shpëtojë asnjë shans për t’i përodrur qentë
si modele. Aq shumë saqë veprat e kushtuara atyre janë koleksionuar në një
volum të posaçëm! Varësia tjetër e tij janë cigaret. Një kundërshtar i madh i
ligjeve të anti-duhanit, artisti pohon se se, pi duhan për “hir të shëndetit të
tij mendor”.
(Imazhi
1: David Hockney, Bashkëshortja në Beverly Hills)
(Imazhi
2: David Hockney, Portret i një artisti (Pishinë me dy figura), 1972)
(Imazhi
3: David Hockney, Garrowby Hill, 1998 )
(Imazhi
4: Vizatim zambakësh me Ipad, 2010)
(Imazhi
5: David Hockney, Bashkëshortja në Beverly Hills)
(Imazhi
6: David Hockney, Portret i Stanley)
Burimi:
https://blog.artsper.com/en/a-closer-look/6-things-knoë-david-hockney-2/
Përzgjodhi
dhe përktheu – Enkeleda Suti.