Sipas Monet, “Eugène
Boudin është i vetmi njeri që njoh që i përkëdhel retë në të njëjtën mënyrë se
si përkëdhel një burrë shpatullat e së dashurës”.
Nga REVISTA ARTSPER
Sot, është shumë e vështirë të takosh dikë që nuk i njeh pikturat e Claude
Monet. Një mjeshtër i padiskutueshëm i impresionizmit, ai përcaktoi rregullat e
reja të praktikës artistike duke e revolucionrizuar atë përgjithmonë…Por a e
njihni ju me të vërtetë këtë piktor të madh? Artsper ndan me ju 11 gjëra që
duhet të dini rreth Claude Monet!
#1 Ai kishte një personalitet të vështirë
Claude Monet është i mirënjohur për pikturat e
tij, për zambakët e tij të ujit, mjekrën e tij të madhe, dhe kopshti i tij
Japonez në Giverny, por gjithashtu edhe për temperamentin e tij të keq e të pakëndshëm…Në
fakt, ai nuk ka qenë shumë i pëlqyer në Giverny, ai jetonte vetëm për pikturën dhe
e rrethonte veten me miq që ishin po aq të vështirë sa ai, të tillë si Georges
Clemenceau dhe Auguste Rodin. Ai njihej gjithashtu si një njeri ekstremisht
egoist.
#2 Ai ka qenë një fëmijë shumë i lëvizur dhe ka vizatuar qëkur ka qenë fëmijë
Qëkur ishte fëmijë,
Claude Monet vizatonte karikatura në bllok, për inatin të të atit (po e saktë,
edhe gjenitë nuk i kanë kushtuar vëmendje shkollës, nëse kjo ju bën që të
ndjeheni më mirë)! Monet ishte një fëmijë shumë i lëvizshëm; për më tepër, ai tërhoqi
vëmendjen e piktorit Eugène Boudin në Sainte-Adresse, i cili e merrte me vete
kur shkonte për të pikturuar në det dhe Monet u frymëzua nga penelatat e tij.
Monet thoshte për të: “Eugène Boudin është i vetmi njeri që njoh që i përkëdhel
retë në të njëjtën mënyrë se si përkëdhel një burrë shpatullat e së dashurës”.
#3 Ai dëshironte të bëhej piktor portretesh
Shpesh, Claude
Monet pikturonte bashkëshorten e tij Camille. Mes të tjerave, ai ka pikturuar këtë
portret të famshëm (të treguar më sipër), e cila ishte një sukses kumbues në
sallonin e Parisit të vitit 1866. Për pasojë, Monet filloi të mendonte që të
bëhej piktor portretesh. Ndërkohë që, pikturonte gratë në kopshte, ai zbuloi
dashurinë e tij për natyrën e dritën dhe për natyrën e paqëndrueshme dhe të
brishtë të peisazsheve dhe të ngjyrave.
#4 Si shumë artistë, ai ka qenë trokë për pjesën më të madhe të jetës së
tij
Stereotipi i
artistëve të mallkuar ishte mëse i vërtetë për Claude Monet! Piktura nuk i mundësoi
atij një jetë të rehatshme. Ai merrte para borxh nga miqtë dhe u detyrua që të
kthehej mbrapsht tek prindërit e tij dhe jetonte i ndarë nga bashkëshortja e
tij Camille për të mbijetuar. I ati i jipte shumë pak para dhe ishte halla e
tij ajo që i përmbushi më shumë nevojat e tij. Më vonë, në vitin 1876, çifti Camille
dhe Claude Monet u afruan me një çift koleksionistësh, Ernest dhe Alice Hoschedé.
Madje, ata jetuan edhe së bashku, që të katërt! Fatkeqësisht, në vitin 1870 në
Londër, Monet u takua me tregtarin e mirënjohur të artit Paul Durand-Ruel, i
cili e mbështeti atë profesionalisht gjatë gjithë jetës së tij.
#5 Ai ishte i fiksuar pas dritës dhe ujit
Claude Monet ishte
i fiksuar pas dritës, reflektimeve vezulluese në ujë dhe rrezet e dritës së
diellit që depërtonin nëpër kurorat e pemëve. Ai madje e vendosi studion e tij
në një varkë në mënyrë që të zbulonte pika të ndryshme shikimi dhe që të ishte
sa dallgëve mesmerizuese sa më afër që të ishte e mundur.
#6 Ai e pikturonte të njëjtin objekt disa herë
Aspekti më
interesant i pikturave të Monet është subjektiviteti i tij dhe mënyra se si ai
i shikonte gjërat. Për fatin tonë të mirë, mënyra se si ai i shikonte gjërat
ndryshonte vazhdimisht. Ajo luhatej me stinët, dritën dhe kohën gjatë ditës…Kjo
është arsyeja përse Claude Monet u orvat të pikturonte të njëjtin subjekt disa
herë; ai besonte se një objekt lindte përmes dritës. Seritë e pikturave të tij përfshijnë
trenat, Londrën dhe veçanërisht Parlamentin, zambakët e ujit, mullarët e barit,
detin, borën dhe shumë të tjera.
#7 Marrëdhëniet e tij romantike ishin…të komplikuara
Marrëdhëniet intime
të Claude Monet nuk ishin edhe aq të lehta! Claude Monet u takua me Camille, e
cila u bë bashkëshortja e tij dhe që lindi djemtë e tyre, Jean dhe Michel
Monet. Në vitet 1870, Monet pati një marrëdhënie me Alice Hoschedé, bashkëshorten
e Ernest Hoschedé; ata ishin një çift koleksionuesish, dhe piktori dhe bashkëshortja
e tij Camille madje jetuan bashkë me ta. Pas vdekjes së Camille Monet dhe Ernest Hoschedé,
Claude Monet dhe Alice u martuan. Ata rritën bashkë dy djemtë e Claude Monet
dhe gjashtë fëmijët e Alice-s, nga të cilët fëmija i fundit, Jean-Pierre, ishte
gjithashtu i Claude Monet. Djali i tij Jean u martua me Blanche Hoschedé, vajza
e Ernest dhe Alice Hoschedé. Në vitin 1926, drejt fundit të jetës së tij,
Claude Monet pati një marrëdhënie me Blanche Hoschedé, pas vdekjes së
Alice dhe të djalit të tij Jean, i cili kishte qenë i martuar me Blanche.
#8 Shumë shpesh ai pikturonte anëtar të familjes së tij
Shpesh pikturat e Claude
Monet paraqesin njerëz nga familja e tij. Prindërit e tij, bashkëshortja e tij
Camille dhe djali i tij Jean, por gjithashtu Alice dhe vajzat e saj…Ai arriti
deri aty sa të pikturonte disa personazhe në të njëjtën kanavacë, por e bënte
bashkëshorten e tij Camille që të “luante rolin” për çdo personazh.
#9 Vitet e fundit përpara vdekjes së tij ishin disi tragjike
Në kulmin e karrierës
së tij pas pikturimt të “Zambakëve të ujit”, Monet iu zhvilluan perde në sy duek
i cënuar atij rëndë shikimin dhe perceptimin e ngjyrave nga ana e tij. Natyra është
kaq mizore! Pavarësisht këmbënguljes së mikut të tij Clemenceau që ai duhet të
operohej, piktori kokëfortë refuzoi për një kohë të gjatë dhe u operua vetëm më
vonë. Ai humbi shumë njerëz të dashur: mikun e tij Pierre-Auguste Renoir, të
dyja bashkëshortet e tij, tregtarin e tij të artit, djalin e tij Jean…Për të
u kujdes thjeshtra/ nusja / e dashura e tij Blanche. Pas vdekjes së tij, miku i
tij i ngushtë Clemenceau refuzoi që ta shikonte Monet të mbuluar me veshje të
zezë dhe e zëvendësoi atë me perde të ngjyrosura dhe të zbukuruar me lule.
#10 Piktura ishte gjithë jeta e tij!
Ai ia kushtoi gjithë
jetën e tij pikturës! Atij nuk i interesonte politika dhe ai shpesh tërhiqej
edhe nga familja e tij për të pikturuar. Ai fliste vazhdimisht për dashurinë e
tij për natyrën dhe pikturën në letrat e tij për Camille dhe Alice. Pas vdekjes
së Monet, djali i tij Michel trashëgoi veprat e tij, të cilat më vonë u fituan
nga Musée Marmottan pas aksidentit fatal me makinë të Michel Monet.
#11 Claude Monet ndryshoi rrjedhën e Historisë së Artit
Veprat e Monet e revolucionarizuan tërësisht historinë e artit. Ai ishte Krijuesi i Lëvizjes Impresioniste.
Përpara Monet, piktorët e mëdhenj pikturonin kryesisht në studio, duke përftuar
rezultate totalisht jorealiste në pikturat e tyre dhe duke paraqitur subjektet
individualisht, sikur të ishin duke i bazuar ato tek statujat. Nga ana tjetër,
Claude Monet, kërkonte të paraqiste dritën, format, dhe ngjyrat ashtu siç i
perceptonin sytë e tij. Duhet thënë se, kjo praktikë u lehtësua nga dy shpikje:
boja në tubetë dhe këmbalecët e piktorit, të cilat e bëhë pikturimin jashtë
studiove më të lehtë.
Megjithatë, në kohën e pikturës së Monet “Impresion, Agimi”
ajo u përqesh nga kritiku i artit Louis Leroy, i cili i përshkroi piktorët e
ekspozitës si Impresionist, duke i dhënë kështu kësaj lëvizje të re emrin
“Impresionizëm”. Rrjedhimisht, është Claude Monet, ai të cilit i detyrohemi
veprat më madhështore të shekullit të 19-të dhe 20-të – ato të Pisarro, Degas,
Manet, dhe shumë të tjerë.
(Imazhi
1: Claude Monet, “La Liseuse”, 1872)
(Imazhi
2: Claude Monet fotografuar nga Nadar)
(Imazhi
3: Karikaturë nga Claude Monet)
(Imazhi
4: Claude Monet, “La femme en robe verte”)
(Imazhi
5: Claude Monet, “Terrasse sur le bord de mer à Sainte Adresse”, 1867)
(Imazhi
6: Claude Monet, “La bateau-atelier”, 1876)
(Imazhi
7: “Parlamenti i Londrës” nga Claude Monet)
(Imazhi
8: Claude dhe Alice Monet në Venecia)
(Imazhi
9: Claude Monet, “La promenade”, 1875
(Imazhi
10: Georges Clemenceau dhe Claude Monet në Giverny)
(Imazhi
11: “Les Nymphéas” në Musée de l’Orangerienë Paris)
(Imazhi
12: Claude Monet në studion e tij)
Burimi:
https://blog.artsper.com/en/a-closer-look/10-things-know-claude-monet/
Përzgjodhi
dhe përktheu – Enkeleda Suti.
