AZZEDINE ALAÏA: SKULPTORI I MODËS

Një adhurues i madh
i formave dhe kurbave të trupit femëror!

Nga REVISTA ARTSPER

Azzedine Alaïa, stilisti
francezo-tunizian me famë botërore dhe dizenjuesi legjendar i modës, ka bërë
historinë e modës që nga vitet 1980. Një artist i vetmësuar dhe një adhurues i
madh i trupit femëror, arti i tij aplikohet në lojën me format dhe kurbat, volumet
dhe materialet. Duke i skulpturuar fustanet në lëkurën e modeleve të tij, fustanet
e tij ndërtohen dhe prihen të formësuara në mish, duke u bashkuar me format femërore
me një hir dhe nur të paparë më parë në botën e modës.

Azzedine Alaïa: Një
demiurg i vetmësuar i dashuruar me gratë

I udhëhequr që nga fëmijëria nga nevoja e tij për të shprehur
vetveten nëpërmjet krijimit artistik, Azzedine Alaïa filloi që të studionte
skulpturë në Shkollën e Arteve të Bukura në Tunizi. Në të njëjtën kohë, ai formësoi
fillimet e tij në botën e modës duke replikuar fustanet e modeleve të Dior apo
të Balmain për fqinjet e tij dhe gratë e familjeve të mëdha të Tunizisë. Vite më
vonë, ai madje krijoi një pjesë të ngjashme me fustanin Mondrian të Yves Saint
Laurent. Nga çasti kur ai mbërriti në Paris, talenti i tij dhe potenciali i
rritjes i tërhoqën vëmendjen anëtarëve femra të familjeve më të mëdha të
kryeqytetit. Në të vërtëtë, ai gradualisht ndërtoi një klientelë private që do
të vazhdonte të rritej.

Ai e ka mësuar zantin e tij nga trupat e grave, me vetë duart
e tij që nga viti 1950. Për më tepër, piktura, skulptura dhe arkitektura janë
tre disiplina që e ushqejnë pasionin e tij të pangopur për të krijuar.
Kombinimi i virtuozitetit të pikturës me zhdërvjelltësinë e arkitekturës dhe të skulpturës, pa harruar teknikën e qepjes,
forma dhe trupi bashkohen për t’u kthyer në një të vetme në mendjen e tij.
Objektii i tij i vetëm? Për të stolisur dhe treguar bukurinë e trupit femëror. Azzedine mishëron gjenratën e
tij të dizenjuesve të cilët kanë lënë gjurmën e tyre nëpërmjet krijimeve që e paraqesin trupin femëror me veçanësi dhe
poezi. Ai shkundi botën e modës që deri atëherë orkestohej nga shtëpitë e mëdha
të ‘haute couture’ (krijimi i veshjeve ekskluzive me porosi) të tilla si Givenchy
apo Saint Laurent.

Dizenjues novator
dhe jokonfirmist mode

Si një njohës i vërtetë, ai asimilon me harmoni dhe
vazhdimësi ekstreme të gjitha llojet e pëlhurave, secila më suprizuese dhe
ekstravagante se tjetra. 1979 ishte një vit emblematik, pasi ishte viti që i
dha jetë koleksionit të tij të parë. Më vonë, kjo do ta vendoste atë në forntin
e një konceptimi dhe kuptimi të ri të modës. Duke materializuar krijimet e tij
artistike, atij i duhej të rimendonte materialet, ai çmonton kufizimet e dhëna
nga komandat e modës. Lëkurë, fanella, materiale të cilat përdoreshin rrallë në
‘haute couture’, kthehen në pëlhura delikate dhe sensuale. Këto pëlhura
mbulojnë trupat e grave me një saktësi të tillë saqë duket sikur ato të ishin
një vazhdimësi e vet lëkurës së tyre.

Alaïa i modelon trupat
e grave si një skulptor: Ai as i vesh dhe aq u mbulon ato, në të kundërt, duket
sikur gruaja është prerë nga pëlhura: “Kur unë punoj me veshjet, ajo duhet të
zhvillohet rreth trupit, në profil dhe nga pas”. Qasja e tij kurioze ndaj modës
dhe universi i tij unik e dallon atë nga bashëkohësit e tij. Një univers
formash që Azzedine i ka ndërtuar rreth materialeve, duke punuar
drejtëpërdrejtë në trup. Pararendës apo jo, një gjë është e sigurt që Azzedine është një artist, një artist që i dashuron
gratë.