Pashë një derë të kuqe dhe dua ta lyej të zezë nuk dua më ngjyra, çdo gjë e dua blozë të zezë; Vështroj vashat të ecin me veshje verore, kokën do mbaj ulur deri kur errësira të zbresë. Shoh makinat të ecin varg, me lule
të zeza pis, dhe dashuria kurrë s’kthehet sërish.
Shoh njerëz të kthejnë kokat dhe shpejt i heqin sytë. Si një i porsalindur që vjen çdo ditë,
futem brenda vetes dhe zemra më duket sterrë;
Dera e kuqe para meje është ngjyer e zezë.
mbase do tretem e me gjërat s’do përballem këtë herë; S’është e lehtë t’ia dalësh kur gjithë bota nxin,
dhe kurrë deti im jeshil s’do bëhet blu i thellë.
Nuk e di çfarë do t’ndodhë me ty.
Dhe kur të shoh me ngulm diellin që perëndon, dashuria ime do qeshë me mua, mëngjesi sapo agon.
Shoh një vajzë tek ecën me të lehta, është verë, Hmm, hmm, hmm…
Dua të bëhet e zezë, e zezë sterrë,
zi si nata, zi si qymyri.
Dua që nga dielli asgjë të mos mbesë! Dua ta ngjyros me të zezë, po, me të zezë!
Ngjyrose të zezë
ROLLING STONES
Shkëputur nga libri “Rock’n’roll, Muzikë, Liri dhe Poezi”, përzgjedhur dhe përkthyer nga Genci Muçollari, Albas, 2023
@gencimucollari
@albaspublishinghouse