Qendra e të gjitha qendrave, thelbi i thelbeve
Bajamja e vetmbyllur, duke u rritur ëmbël
I gjithë ky univers, deri tek yjet më të lagët
Gjithçka përtej tyre, është mishi yt, fruti yt
Tani ti ndjen që asgjë nuk kapet pas teje
Zhgualli yt vigal arrin në hapësirën e pafundme
Dhe atje lëngjet e pasura, të trasha ngrihen dhe rrjedhin
Të ndriçuara në paqen tënde të pafundme
Një miliardë yje vërtiten nëpër natë
Duke flakëruar lart sipër kokës tënde
Por tek ti është prania që
Do të jetë, kur të gjitha yjet do të kenë vdekur
Buda në lavdi nga Rainer Maria Rilke
Përzgjodhi dhe përktheu Enkeleda Suti
Fotografia nga @jim_de_block
