ALBERTO BURRI / Lindja e krijmtarisë pas shkatërrimit
Artist, Poet dhe Krijues i së Resë
Nga CHRISTIE’S
ALBERTO BURRI ISHTE ARTISTI I PARË I CILI REALIZOI PIKTURA TË PAPIKTURUARA, duke përdorur materiale të forta dhe të ashpra për të krijuar diçka që është me të vërtetë e bukur dhe elegante.
Burri lindi në mars të vitit 1915, në një qytet të vogël në rajonin e Umbrias, Città di Castello, në Itali. Me synimin për të kuptuar influencat e tij të hershme, kritikët janë kthyer pas tek fëmijëria e tij. Thuhet se ai vizitonte një qytet aty ngjitur për të parë veprat e Piero della Francesca-s, Madonna del Parto.
Lufta e dytë botërore shpërtheu dhe ai punoi si doktor në veri të Afrikës për ushtrinë italiane dhe ai u mor nga aleatët tek një kamp pune për të burgosurit në Teksas, ku ai kaloi thuajse tre vjet, ku dhe ai filloi të eksploronte artin.
Pikturat e tij të para ishin peisazhe, natyra të qeta dhe ai përdori gjithashtu disa copa të ashpra dhe thasë, të cilat ishin të disponueshme atëherë për të prerë disa pjesë dhe për t’i vendosur ato tek telajot e tij. Ai u rikthye në Itali në vitin 1946 dhe ai zbriti në Napolin, që ishte bombarduar shumë keq gjatë luftës dy vite më parë. Ai e përdori punën e tij për të shprehur se si mund të lindë krijimi pas shkatërrimit.
Fakti që ai ishte trajnuar si doktor pati ndikim tek puna e tij dhe këtë mund ta shohim jo vetëm tek qepja/kapjet/ngjitjet në thasët e tij, por ndonjëherë ne mund të shohim edhe disa vrima të cilat na kujtojnë plagët. Dhe plastika që ai djeg na kujtojnë qelizat e kuqe dhe të bardha të trupit njerëzor. Ai ishte shumë i fokusuar tek mareriali kështu që, nëse shihni përgjatë periudhave të ndryshme të jetës së tij ai përdorte çdo material që kishte përreth dhe që për të ishte tërheqës. Ai përdorte llampa për të djegur, ai i kapte ato, ai i priste ato, thjesht duke nxjerrë në pah anën më të mirë të atyre materialeve.
Kjo është një pikturat e Alberto Burri-t e realizuar me hekur. Ai kërkon të tregojë se nuk është i interesuar tek hekuri, por se çfarë është në gjendje që të bëjë hekuri.
Ai jo vetëm që ishte një influencë e madhe për gjeneratat më të reja të artistëve italianë, por ai ka qenë gjithashtu një frymëzim i madh për të gjithë artistët e kohëve të tij si Robert Rauschenberg, për të cilin e dimë se e ka vizituar studion e Burri-t disa herë.
Burri është një nga artistët më të rëndësishëm të Italisë së pasluftës.
Ai ka qenë revolucionar, dhe ai e ndryshoi me të vërtetë mënyrë se si ne e perceptojmë pikturën.
Burimi: https://www.youtube.com/watch?v=klIpRwGZ5gY
Copyright i përkthimit www.enkeledasuti.com
Përzgjodhi dhe përktheu Enkeleda Suti.
#art #painting #albertoburri #enkeledasuti