(PJESA 4): TË NJOHIM GUSTAV KLIMT
Lëvizja e Suksesionit Vjenez
Nga REVISTA ARTSPER
Në historinë e artit, Suksesioni i referohet ndarjes së artistëve të lëvizjes avantgarde të artit të fundshekullit të 19-të dhe fillimshekullit të 20-të nga tradita konservatore evropiane. Qëllimi i lëvizjes ishte të ndante vetveten nga peisazhi artistik më akademik dhe zyrtar, duke krijuar shekullin e tyre të artë krijues. Termi suksesion e ka origjinën në histori nga një periudhë aneksimi, shpërbërjeje dhe ndarje e madhe tokash në Evropë në vitet 1800. Ndonëse lëvizja i referohet një fushate ndërevropiane, Suksesioni Vjenez mbetet më influenciali. Qëllimi kryesor i lëvizjes ishte krijimi i një standardi të ri për dizenjimin – një rilindje. Në Vjenë, Gustav Klimt ka qenë shumë influencues në ngritjen e “Stilit të Suksesionit”. Varianti Austriak i Art Nouveau, u themelua nga rreth njëzetë artistë të tillë si Gustav Klimt, J.Hoffmann, J.Engelhart, M. Kurzweil, C.Moll, K.Moser, F. von Myrbach dhe Egon Schiele.
Një lëvizje politik
E njohur si Bashkimi i Artistëve Pamorë të Suksesionit, Suksesioni Vjenez ishte gjithashtu edhe tejet politik. Artistët mblidheshin si opozitë kundër kolektivit ‘Künstlerhaus’, një grup artistësh konservatorë, të cilët kufizuan licensimin artistik përmes ushtrimit të kontrollin në tregun e artit. Qëllimet e kësaj lëvizje ishin bashkimi i forcave krijuese të vendit, dhe më gjerë në Evropë, për të advokuar për një shkëmbim ndërkombëtar idesh dhe për të luftuar kundër impulseve nacionaliste që u shafqën në ato kohë.
Më shumë si një fushatë politike, lëvizja kishte vendtakimin e saj, ndërtesën luksoze të suksesionit, si edhe materiale lajmesh me qëllim për përhapjen e fjalës së protestës. Si rezultat, ndërtesa e Sukesesionit, e dizenjuar në vitin 1897 nga Joseph Maria Olbrich, ishte pallati i disa ekspozitave për të ekspozuar veprat e tyre për publikun dhe kundërshtarët. Me gërma të arta sipër hyrjes shkruhet fraza “Der Zeit ihre Kunst. Der Kunst ihre Freiheit (Çdo epokë ka artin e saj. Arti është liri.)”.
Imazhi: Ndërtesa e Suksesionit
Burimi: https://blog.artsper.com/en/get-inspired/getting-to-know-gustav-klimt/
Copyright i përkthimit www.enkeledasuti.com
Përzgjodhi dhe përktheu Enkeleda Suti.
#contemporaryartist #gustavklimt #viennasecession #enkeledasuti