(PJESA 3): TË NJOHIM GUSTAV KLIMT
Periudha e pjekur e Klimt
Nga REVISTA ARTSPER
Në periudhën e tij të pjekur, Klimt filloi të sfidonte traditat e pikturës akademike. Kur Komiteti Këshillimor i Artit të Ministrisë së Arsimit, i kërkoi Klimt dhe Matsch, bashkëpunëtorit të tij për një kohë të gjatë, në vitin 1893 për të dekoruar tavanin e sapondërtuar të Sallës së Madhe të Universitetit të Artit, kishte hezitim nga ana e Klimt-it. Në total, Klimt ka prodhuar tre piktura të mëdha tavani për Sallën e Madhe të Universitetit, të titulluara Filozofia (1897-98), Mjekësia (1900-01) dhe Jurisprudenca (1899-1907). Ato ishin pjesë shumë dekorative, alegorike dhe thellësisht simbolike nëpërmjet të cilave Klimt shpresonte se do të fillone një zhvendosje të konsiderueshme në art. Pikturat e Universitetit të Vjenës nuk u instaluan kurrë dhe shënuan fundin e porosive institucionale për Klimt-in. Pikturat gjeneruan debate të konsiderueshme veçanërisht për shkak të lakuriqësisë së paraqitur. Klimt mund të shihet si një artist, i cili refuzoi të kufizohej nga influencat e jashtme në kërkim të vizionit të tij krijues.
Imazhi 1: Murale e Klimt në Universitetin e Vjenës
Burimi: https://blog.artsper.com/en/get-inspired/getting-to-know-gustav-klimt/
Copyright i përkthimit www.enkeledasuti.com
Përzgjodhi dhe përktheu Enkeleda Suti.
#contemporaryartist #gustavklimt #viennasecession #enkeledasuti