(PJESA 2): ÇFARË ËSHTË ARKITEKTURA MINIMALISTE?
Karakteristikat kyçe
NGA Archdaily.com
Arkitektura minimaliste, si aspekte të tjera të dizanjit minimalist, synon reduktimin e rrëmujës pamore dhe të zhurmave sa më shumë që të jetë e mundur, duke e zhveshur një strukturë në minimum. Ky stil fokusohet tek struktura, drita, materialet dhe hapësira. Ajo glorifikon elementët strukturorë thelbësorë të një ndërtese, duke tërhequr vëmendjen tek forma e saj më e thjeshtë. Këtyre strukturave iu mungojnë thuajse tërësisht karakteristikat ornamentale, duke e kthyer vetë strukturën në një pikë referimi.
Mungesa e ornamenteve nuk do të thotë se këto hapësira nuk paraqesin një interes pamor. Arkitektura minimaliste përdor thjeshtësinë për të krijuar hapësira unike. Këndet, materialet dhe drita e zgjedhur me kujdes, përdoren për të krijuar impaktin më të madh pamor me sasinë më të vogël të artikujve të përdorur. Një aspekt kyç për të arritur këtë është përdorimi i hapësirës boshe. Në stile të tjera, hapësira boshe duket sikur nuk arrin edhe aq shumë, por përdorimi kuptimplotë i këtij elementi në arkitekturën minimaliste, hapësira bosh përdoret për të tërhequr vëmendjet tek elementët arkitekturorë kyç. Paleta e ngjyrave të përdorura në këtë stil komplementojnë konceptin e përdorimit të sa më pak që të jetë e mundur. E bardha, grija, e zeza apo ngjyra të tjera neutrale të qeta, të tilla si ngjyra e kuqerreme, përdoren me tepricë. Përdoren materiale të thjeshta të tilla si çelik, gur, beton dhe xham. Ndonëse këto materiale shpesh kanë ngjyra neutrale që shkojnë shumë me dizanjot minimaliste, ato e mbajnë gjithashtu pjesën kyçe të një ndërtese sa më të thjeshtë që të jetë e mundur, duke lënë jashtë çdo ornament të panevojshëm.
Këndet e thjeshtësuara dhe linjat e pastra përdoren nëpër të gjithë strukturën dhe shpesh përsëriten, duke i dhënë të gjithë ndërtesës një ndjesi apo rend dhe thjeshtësi. Format gjeometrike janë të zakonshme, ndërsa linjat e kurbëzuara, të zbukuruara nuk përdoren, duke qenë se ato do të pakësonin prakticitetin e pastër dhe minimal të arkitekturës minimaliste.
Burimi: https://www.thespruce.com/what-is-minimalist-architecture-5224419
Copyright i përkthimit www.enkeledasuti.com
Përzgjodhi dhe përktheu Enkeleda Suti.