7 GJËRA TË RËNDËSISHME QË DUHET TË DINI RRETH FIRMAVE TË
ARTISTËVE
Firmat
mund të jenë të dobishme për datimin e veprave
(PJESA 2)
Nga Prestigjozja SHTËPIA E ANKANDEVE CHRISTIE’S
3
Firmat
mund të jenë të dobishme për datimin e veprave
‘Varieteja
e firmave që mund të përdorë një artist janë pa fund,’ sipas John Castagno, një
artist dhe ekspert i njohur i cili ka prodhuar 17 libra referencë, duke
kataloguar firmat e artistëve përgjatë historisë, si edhe ofrimin e shërbimeve
të plota këshilluese ndaj muzeve, galerive dhe koleksionistëve.
‘Volumi
im i parë përmbante më shumë sesa 10,000 hyrje,’ shpjegon ai, ‘ku shumë artistë
përdorin simbole dhe variacione mbi emrat e tyre. James McNeill Whistler kishte
shumë stile të ndryshme [ai ka qenë i mirënjohur për përdorimin nga ana e tij të
motivit të fluturave jo vetëm në artin e tij, por gjithashtu në korrespondencën
e tij personale]. Në raste të tjera, shenjat janë thuajse të padukshme, të tilla
si tek Jean-Michel Basquiat. Ai ka pasur dy firma origjinale (skripte) të cilat
kanë qenë virtualisht të pamundura për t’u lexuar, së bashku me variantin e
printuar.’
Megjithëse,
këto variacione mund të duken konfuzuese, ato mund të jenë në fakt shumë të
dobishme kur vjen puna tek datimi i veprës, ‘Picasso është një shembull i
madh,’ thotë specialisti i Artit Impresionist dhe Modern të Christie’s, Allegra
Bettini. ‘Në karrierën e tij të hershme, ai nënshkruante duke përfshirë emrin e
tij të mesëm P R (apo Ruiz) Picasso, ndërsa më vonë ai e la këtë dhe zhvilloi
një variant më zbukurues.
‘Gjatë
periudhës së tij kubiste analitike ai ndali së nënshkruari pjesët e përparme të
telajove krejtësisht me qëllim për të mos i pakësuar vlerën vetë artit, ndërsa
më vonë ai adoptoi firmën e tij të famshme, të plotë me një vizë nënvizuese.
Kjo përdorej gjithashtu edhe si një simbol për të komunikuar që vepra kishte përfunduar.’
Imazhi:
James McNeill Whistler (1834-1903), Dizanjo fluturash, 1890-99. Shtatë
vizatime, stilolaps dhe bojë, bojë e bardhë, dhe grafit, me katër riprodhime në
printime fotomekanike.
Burimi:https://www.christies.com/features/7-things-to-know-about-artist-signatures-8365-1.aspx
Copyright i përkthimit www.enkeledasuti.com
Përzgjodhi dhe përktheu Enkeleda Suti.
