7 GJËRA TË RËNDËSISHME QË DUHET TË DINI RRETH FIRMAVE TË
ARTISTËVE
Gjithçka
filloi me Rilindjen & Firmat mund të jenë një pjesë e procesit artistik
(PJESA 1)
Nga Prestigjozja SHTËPIA E ANKANDEVE CHRISTIE’S
1
Gjithçka
filloi me Rilindjen
Firmat
e artistëve u përhapën fillimisht gjatë Rilindjes së hershme, e cila pa kalimin
e prodhimit të artit nga sistemet koperative të esnafëve në kremtimin e
krijmtarisë individuale. Një firmë ishte mënyra e përsosur për të diferencuar
talentin e artistit nga ajo e kolegëve bashkëkohës më pak të talentuar.
Në
rastin e Albrecht Dürer, monogrami i famshëm i të cilit paraqitej në mënyrë
dominante në çdo gjë, duke filluar nga kyreveprat deri tek skicat e nxituara,
marka e tij tregtare ‘AD’ ishte kaq e famshme saqë ai shkoi në gjygj në
Nuremberg dhe Venecia në një përpjekje të suksesshme për të mbrojtur autorësinë
e tij, duke rezultuar në përhapjen pasuese të printimeve me copyright të
etiktuara ‘pas Dürer’.
2
Firmat
mund të jenë një pjesë e procesit artistik
‘Unë
kam punuar me artistë të cilët i përdorin firmat si një shënim ndaj vetvetes,’
thotë Sid Motion, që punon me artistët bashkëkohorë me galerinë. ‘Është një mënyrë
për të thënë, “Kjo vepër është e plotë, mos e ripunoni”. Është një shenjë e
ndershme, personale që i ndalon ata nga rikthimi pafund tek një pjesë.’
Zakonisht
firmat përdoren gjithashtu për të mbajtur një regjistër të kohës, vendit dhe
mediumit (teknikës), si edhe të simbolikës së një vepre të përfunduar. Për
shembull, ‘Ben Nicholson (piktor anglez) ka regjistruar një mori informacioni
në pjesën e mbrapme të pikturave të tij’ thotë Rachel Hidderley, Drejtor i
Lartë i Artit Modern Britanik dhe Irlandez. ‘Ai jo vetëm që i nënshkruante, titullonte,
dhe vendoste datat e veprave të tij, por ndonjëherë madje edhe rendiste ngjyrat
që përdorte, apo adresën se ku do të dërgohej vepra e tij.’
Burimi:https://www.christies.com/features/7-things-to-know-about-artist-signatures-8365-1.aspx
Copyright i përkthimit www.enkeledasuti.com
Përzgjodhi dhe përktheu Enkeleda Suti.