Dhe nëse do të më duhet të të ndjek në humnerë, atëherë do të të ndjek

Ti nuk je ajo që kalon, por ajo që mbetet.

Nocioni im i përjetësisë është i lidhur me dashurinë time për ty.

Jo, ti nuk je kalimtarja dhe as piloti i huaj që drejton aventurierin nëpër labirintin e dëshirës.

Ti ke hapur tek unë vetë boshtin e pasionit.

Unë e humbas veten time tek mendimet e tua më i sigurt se sa në shkretëtirë.

Madje edhe teksa shkruaj këto rrjeshta, ende nuk e kam përballur imazhin tim për ty me realitetin.

Ti nuk je kalimtarja, por e dashura e përjetshme, do apo s’do ti.

Gëzim i dhimbshëm i pasionit të ngritur nga takimi me ty.

Unë vuaj, por vuajtja ime është kaq e dashur për mua,

Dhe nëse ende kam ndonjë vlerësim për veten,

Është sepse të kam takuar në vrullin tim të verbër

Drejt horizonteve të ndryshueshëm.

Nga Robert Desnos

Përzgjodhi dhe përktheu Enkeleda Suti

Piktura, Syte e te dashuruarit, @michael_hussar

Artikulli paraprak

Artikulli tjetër

Dhe nëse do të më duhet të të ndjek në humnerë, atëherë do të të ndjek – Nga Robert Desnos