SIKUR TË MOS KISHA ECUR KURRË VEÇSE ME TY, ZEMRA IME, SIKUR NUK MUND TË ECJA VEÇSE ME TY, SIKUR NUK MUND TË KËNDOJA VEÇSE ME TY. – Nga Pablo Neruda

Dhe kur një gjethe bie nga hardhitë kacavjerëse,

Ti e di, dashuria ime,

Që emri im është shkruar në atë gjethe,

Një emër që është i yti dhe i imi,

Emri ynë i dashurisë,

Një qënie e vetme,

Shigjeta që çau dimrin,

Dashuria e pathyeshme

Zjarri i ditëve,

Një gjethe që ra mbi gjoksin tim,

Një gjethe nga pema e jetës

Që bëri një fole dhe këndoi,

Që lëshoi rrënjë,

Që na dha lule dhe fruta.

Dhe kështu ti e shikon, dashuria ime,

Se si lëviz unë rreth ishullit,

Rreth botës,

I sigurt në mes të pranverës,

I çmendur me dritë në të ftohtë,

Duke ecur i qetë në zjarrë,

Duke ngritur peshën tënde të petaltë në krahët e mi

SIKUR TË MOS KISHA ECUR

KURRË VEÇSE ME TY,

ZEMRA IME,

SIKUR NUK MUND TË ECJA

VEÇSE ME TY,

SIKUR NUK MUND TË KËNDOJA

VEÇSE ME TY.

Nga Pablo Neruda

Përzgjodhi dhe përktheu Enkeleda Suti

Piktura, Paolo dhe Francesca di Rimini, 1867, Dante Gabriel Rossetti

#art #photography #poetry #love #pabloneruda #enkeledasuti #painting #dantegabrielrossetti