Në këtë botë
Dashuria nuk ka ngjyrë
E megjithatë sa thellë
Trupi im
Është njollosur nga i yti
Nga Izumi Shikibu
Edhe kur një lum me lot
Vërshon nëpër
Këtë trup
Flaka e dashurisë
Nuk mund të shuhet
Nga Izumi Shikibu
Asgjë
Në këtë botë
Nuk është e zakonshme sot
Ky është
Mëngjesi i parë
Nga Izumi Shikibu
Çfarë nuk duhet të ekzistojë
Në këtë botë
Ajo që harron
Apo ajo që harrohet?
Çfarë është më mirë
Të dashurosh
Atë që ka vdekur
Apo të mos shikosh tjetrin
Kur jeni gjallë?
Çfarë është më mirë
Dashnori i largët
Për të cilin dëshirohesh
Apo atë që shikon përditë
Pa dëshirë?
Çfarë është më e pabesueshme
Midis gjërave të pandryshueshme
Pragjet e shpejta
Lumin që vërshon
Apo këtë botë njerëzore?
Nga Izumi Shikibu
Për një çast
Ai u bë tym
Sa intim
Tani
Qielli me re
Nga Izumi Shikibu
Më shumë se sa të kujtoj
Tek këto lule
Aromën e së shkuarës
Do të doja të dëgjoja zërin e bilbilit
Për të mësuar nëse kënga e tij është po
aq e ëmbël
Nga Izumi Shikibu
Edhe pse
Kënga e bulkthit
Nuk ka fjalë
Ai ende
Të plagos
Si brenga
Nga Izumi Shikibu
Përzgjodhi dhe përktheu Enkeleda Suti