Kush është ai paraardhës që flet tek unë? Unë nuk mund të
jetoj njëherësh në kokën time dhe në trupin tim. Kjo është arsyeja përse nuk
mund të jem një njeri i vetëm. Unë jam në gjendje që të ndjej disa gjëra njëherësh.
E keqja më e madhe e kohëve tona është se, nuk ka më mjeshtra të mëdhenj. Rruga
e zemrës sonë është e mbuluar me hije. Duhet t’i dëgjojmë ato zëra që duken të
padobishëm. Duhet të mbushim sytë dhe veshët tanë, me gjëra që do të shënojnë
fillimin e një ëndërre më të madhe. Dikush duhet të bërtasë për të thënë se, ne
do të ndërtojmë piramidat. Nuk ka rëndësi nëse më pas nuk do të mund t’i ndërtojmë!
Duhet ta ushqejmë këtë dëshirë. Duhet të shtrijmë cepat e shpirtit sikur të
ishin çërçafë pa fund. Nëse doni që bota të ecë përpara, duhet të kapemi për
dore. Duhet të bashkojmë të ashtuquajturit njerëz të shëndetshëm dhe të
ashtuquajturit të sëmurë. Ej, ju, njerëz të shëndetshëm…Çfarë do të thotë për
ju shëndeti juaj? Të gjithë sytë e botës, po shikojnë këtë greminë të madhe ku
po biem të gjithë ne. Nuk na duhet liria, nëse ju nuk kemi guximin që ta na
shikoni në sy! Të hani me ne…të pini me ne…të flini me ne! Janë pikërisht këta
të ashtuquajturit njerëz të shëndetshëm, që e kanë çuar botën në zgrip të greminës.
Ti njeri, dëgjo! …tek ti, ujë, zjarr, dhe pastaj hi. Dhe kockat brenda hirit.
Kocka dhe hi!
Ku ndodhem kur nuk jam në realitet, ose në imagjinatën
time? Pakti im i ri për botën është ky: le të ketë diell natën dhe borë në
gusht. Gjërat e mëdha mbarojnë; janë gjërat e vogla ato që mbeten. Shoqëria
duhet të bashkohet sërish, në vend të kësaj përçarje kaq të madhe. Shikoni
natyrën dhe do të shikoni se, jeta është e thjeshtë. Duhet të rikthehemi atje
ku keni qenë përpara se të merrnim kthesën e gabuar. Duhet të rikthehemi tek
themelet e jetës pa e ndotur ujin. Ç’botë është kjo nëse është një i çmendur ai
që ju thotë se duhet të keni turp nga vetja? Dhe tani, muzikë!
Ajri është ajo gjëja e lehtë që të vjen rreth kokës tënde
dhe që bëhet më e qartë kur ju qeshni.
https://www.youtube.com/watch?v=YSSoihNiV2k
