Magritte e ka përdorur burrin me kapele republike në disa nga
pikturat e tij. Ndoshta, kjo pikturë nuk është aq e njohur sa pikturat e tjera të
Magritte, megjithatë, ajo është lehtësisht e identifikueshme si një pikturë nga
Magritte, duke na rikujtuar pikturën e famshme “Biri i Njeriut”, 1964.
Vëzhgojeni pikturën dhe detajet e saj. Fytyra e burrit është
e mbuluar, sikur pëllumbi ka fluturuar në kornizë; sikur Magritte të ishte duke
bërë një fotografi të çastit. Zogu po fluturon nga e mjata në të djathtë të
burrit, drejt dritës. Ne nuk i shikojmë sytë e burrit, megjithatë ne shikojmë
syrin e majtë të zogut; tek piktura “Biri i Njeriut”, 1964, ne mund të shikojmë
syrin e majtë të burrit. Dhe kollarja e burrit është një rozë e zbehtë
krahasuar me kollaren e kuqe të ndezur që shfaqet tek “Biri i Njeriut”, 1964. Ndryshe
nga ajo pikturë, kjo pikturë është një kapje nga afër e shpatullave të burrit.
Shikoni sfondin blu pas tij; a mos është ai qielli apo ai është ulur përpara
një sfondi për një portret?
Ajo që e tërhiqte Magritte dhe që e bënte atë kaq të ndryshëm
nga shumica e kolegëve të tjerë surrealistë ishte misteri dhe ndjesia e
ëndërrimit. Joan Miro përkrahu qasjen “automatike”, duke e lënë të
pavetëdijshmen të përcaktonte linjat; Dali që arriti në botën e ëndrrave, duke
u rikthyer tek arti tredimensional dhe ai figurativ në veprat e tij të
mëvonshme, Magritte i qëndroi besnik kanoneve (traditës) së tij të dimensioneve
të sheshta dhe imazheve të ngrira. Ajo që kërkonte Magritte dhe që ai e ka
arritur me mirë me veprën e tij, nuk kishte të bënte edhe aq shumë me sfidimin
e shikuesit se sa me zgjimin e kureshtjes për ta parë jetën të çliruar nga
konkretja dhe e tashmja.
Burimi:
https://www.renemagritte.org/man-in-a-bowler-hat.jsp
Përzgjodhi
dhe përktheu – ENKELEDA SUTI.
