A jam unë i ndryshëm nga përmbajtja e vetëdijes sime? Nëse
unë jam i ndryshëm nga ajo që vëzhgoj tek vetvetja, atëhere ekziston një ndarje,
ndërmjet meje dhe asaj gjësë në të cilën thellohem. Unë vëzhgoj tek vetja zemërim.
Jam i zemëruar. Ose jam makut, ziliqar. A është kjo zili e ndryshme nga unë që
po vëzhgoj këtë reagim që unë e quaj ‘zili’? Unë jam e gjitha kjo zili; unë nuk
jam i ndryshëm nga ajo zili. Kështu, kur unë vëzhgoj, a ekziston ndonjë ndarje
ndërmjet vëzhguesit dhe të vëzhguarit? Atëherë ka një konflikt. Më pas, unë përpiqem
që ta shtyp atë, ta kontrolloj, ose të largohem prej tij, ose të përpiqem që ta
ndryshoj. Por nëse vëzhguesi është i vëzhguari, atëhere ndodh diçka krejtësisht
e ndryshme. A mos po zhdukim ne misterin e saj? Sepse kjo është shumë e rëndësishme,
që nga fillimi. Ne jemi të kushtëzuar ndaj konfliktit të kësaj ndarje. Ne jemi
të kushtëzuar ose që ta shtypim, ta analizojmë, ose të largohemi prej tij. Ne
jemi edukuar që ta pranojmë këtë ndarje. Por nëse do të shikojmë në të shumë,
shumë thellë, ne do të vënë re se vëzhguesi është i vëzhguari, rrjedhimisht, duke
kuptuar këtë, më pas, ju do të jeni në gjendje që të eliminoni të gjitha
konfliktet tuaja të brendshme.
Burimi: https://www.youtube.com/watch?v=q9Ye6WbinMU
Përzgjodhi dhe përktheu Enkeleda Suti