E shkuara ka caste dhe ore te hidhura, mos ma kujto
Per shembull, me pe me duar te lidhura, mos ma kujto!
Per shembull, me pe ne rruge te pire, mos ma kujto
Te pire e te humbur, te share e te grire, mos ma kujto!
Per shembull, me rrahen dy-tre vagabonde, mos ma kujto
Tek shihja nje grerez tek rrinte mbi gonxhe, mos ma kujto!
Per shembull, pesova diku nje disfate, mos ma kujto
Dhe gjumi s’me zinte me dite e me nate; mos ma kujto!
Per shembull, me pe duke ecur e qare, mos ma kujto
Mbeshtetur pas murit me zemer te vrare, mos ma kujto
Per shembull, me pe duke ngrene e genjyer, mos ma kujto
Te prishur, te shthurur, te rene e te thyer, mos ma kujto!
Per shembull, ne shtrat s’u bera per burre, mos ma kujto
I turpshem u drodha si qengj nen lekure, mos ma kujto!
E shkuara ka ore dhe caste te hidhura, mos ma kujto
Ka ndrojtje dhe heshtje kur lipsen te thirrura, mos ma kujto!
Poezia “Mos ma kujto”
Nga Dritero Agolli
Shkeputur nga libri “Veshun me diell, mbathun me hane”, Antologji e poezise moderne shqipe, nga Rudolf Marku, Botimet Mediaprint, 2023
