(PJESA 1): ÇFARË ËSHTË ‘MEMENTO MORI’?
Arti i Memento Mori: Simbolizimi i vdekjes
Nga REVISTA ARTSPER
Memento Mori mund të përkthehet si “Kujtohu se po vdes (se je i vdekshëm)”, duke na kujtuar brishtësinë e ekzistencës. Ai është një art i simbolit, i cili përdor shumë imazhe dhe metafora për të evokuar një fund të paevitueshëm. Por çfarë është me saktësi arti i Memento Mori? Dhe çfarë kuptimesh të ndryshme merr ai, në varësi të epokës dhe kulturës? Artsper ju fton të zbuloni këtë tendencë artisitike magjepsëse, nga natyra e qetë deri tek portretet e çuditshme!
Një lëvizje e mbarsur me një dimension të madh simbolik, arti i Memento Mori është i mbushur me objekte të cilat na kujtojnë vdekjen apo që e mishërojnë atë. Një simbol universal, kafka është imazhi më i zakonshëm dhe më i dukshëm. Por kafa nuk është thjeshtë një përfaqësim i fundit tonë. Në këtë lëvizje artistike, alegoritë janë të shumta dhe të ndryshme.
Midis subjekteve më të shpeshta, ora prej rëre, simboli i kohës e cila ecën pa asnjë kontroll. Më pak poetike, por më eksplicite është metafora e orës dhe garimi i saj i çmendur. Ne gjejmë gjithashtu edhe qiriun dhe flakën e tij që regëtin, gati për t’u shuar me shkulmin më të vogël të erës.
Më pas, vijnë të gjithë elementët më të bukur nga pikëpamja natyrore, por që prishen më shumë, të tilla si lulet që po vyshken, apo frutat që po kalben. Mund të shfaqet gjithashtu edhe një mizë, e cila ulet mbi ushqim. Flutura përfaqëson natyrën tinëzare të jetës, si edhe qëndrueshmërinë e shpirtit përtej vdekjes. Në një mënyrë më delikate, prania e një libri mund të përfaqësojë vanitetin e dijeve apo, në të kundërt, mençurinë e shpirtit.
Piktura: Philippe de Champaigne, Vanitas dhe Alegoria e jetës njerëzore, 1646
Punimi grafik: M.C. Escher, Sy, 1946
Burimi: https://blog.artsper.com/en/a-closer-look/what-is-memento-mori/
Copyright i përkthimit www.enkeledasuti.com
Përzgjodhi dhe përktheu Enkeleda Suti.
#painting #stilllife #momentomori #enkeledasuti
