Sonte ti fole tri fjalë të zakonshme
Në veshin tim. Tri fjalë janë lodhur
Së foluri. Fjalë
Të cilat, megjithëse të vjetra, janë gjithmone të reja
TRI FJALË KAQ TË EMBLA SAQË DRITËHËNA
QË FILTROHET NËPËR DEGË
VJEN PËR T’U SHPLODHUR NË GOJËN TIME
Tri fjalë kaq të ëmbla
Saqë një milingonë endet përgjatë qafës sime
Dhe unë nuk përpiqem ta largoj
TRI FJALË KAQ TË ËMBLA
SAQË UNË THASHË, PADASHUR, “OH JETA ËSHTË KAQ E DASHUR!”
KAQ E ËMBËL DHE KAQ E BUTË
SAQË VAJËRA AROMATIKË DERDHEN PËRMBI TRUPIN TIM
Kaq e ëmbël dhe e dashur
Saqë gishtërinjtë e mi të palodhur
Sulen nga qielli, duke bërë sikur janë gërshërë
Oh, gishtërinjtë e mi do të donin
Të prisnin yjet
Tri fjalë
Alfonsina Storni
Përzgjodhi dhe përktheu Enkeleda Suti
Piktura, Nata, 1887, Auguste Raynaud
