EKSPRESIONIZMI
ABSTRAKT
Artistët e Ekspresionizmit Abstrakt rishpikën pikturën abstrakte, dhe mënyra
të tjera komunikimi, duke ofruar një stil të ndyshëm amerikan.
Nga MoMA Learning
(Muzeu i Artit Modern të Nju Jorkut)
Ekspresionizmi Abstrakt është një term që aplikohet për
një lëvizje në pikturën amerikane e cila lulëzoi në Nju Jork pas Luftës së Dytë
Botërore, ndonjëherë referuar si Shkolla e Nju Jorkut apo, më ngushtë, si
piktura në aksion. Veprat e variueshme të prodhuara nga Ekspresionistët Abstraktë
i rezistuan përkufizimit të një stili koheziv; në vend të kësaj, këta artistë
ndanë një interes në përdorimin e abstraksionit për të paraqitur përmbajtje të
fortë emocionale dhe shprehëse. Ekspresionizmi Abstrakt njihet më mirë për
pikturat e mëdha të cilat u ndanë nga proceset tradicionale, shpesh duke i
hequr telajot nga këmbaleci dhe duke përdorur materiale jo konvecionale të
tilla si bojë për lyerjen e shtëpive. Ndonëse ekspresionizmi abstrakt shpesh vlerësohet
për arritjet e tij në pikturë, idetë e saj reflektohen thellë në shumë mediume,
duke përfshirë vizatimin dhe skulpturën.
Amerika në vitet 1950
Ekspresionizmi Abstrakt u shfaq në klimën e politikave të
Luftës së Ftohtë dhe konservatorizmi social dhe kulturor. Lufta e Dytë Botërore
i kishte vendosur Shtetet e Bashkuara si një fuqi globale, dhe në vitet që
pasuan konfliktin, shumë amerikanë shijuan përfitimet e rritjes ekonomike të
paprecedentë. Në mes të viteve 1950, shpirti i optimizmit ishte morfizuar në një
përzierje të fortë fuqie dhe paranoje. E ndezur nga frika e infiltrimeve komuniste,
Senatori Joseph McCarthy i Wisconsin-it lançoi një seri “gjueti shtrigash” kundër
simpatizuesve komunistë. Çdo shenjë subversioni do ta kthente çdo individ në një
të dyshuar. Më vonë një studiues ka reflektuar: “Është ironike, por jo kontradiktore
që në një shoqëri…ku shtypja politike peshonte po aq shumë saç ndodhi në
Shtetet e Bashkuara, ekspresionizmi abstrakt ishte për shumë një shprehje
lirie: liria për të krijuar vepra kontraversiale arti, liria e simbolizuar nga
piktura në veprim, nga ekspresionizmi i shfrenuar i artistëve tërësisht pa
pranga.”
Artistët Ekspresionistë Abstraktë në Qytetin e Nju Jorkut
Ekspresionizmi Abstrakt shënoi fillimin e influencave të
Qytetit të Nju Jorkut si qendra e botës së artit perëndimor. Bota e artistëve të
Ekspresionizmit Abstrakt ishte vendosmërisht me rrënjë në Mahatanin e Poshtëm.
Studio e Jackson Pollock ishte në Lindje të Rrugës së 8-të, Willem de Kooning
dhe Philip Guston në Rrugën e 10-të, dhe megjithëse Franz Kline lëvizi në shtëpi
dhe studio të ndryshme në atë zonë, pjesa më e madhe e netëve dhe të shumë
bashkëkohësve të tij i gjetën ata në Tavernën e Rrugës Cedar në Pallatin
Universitar.
Ekspresionizmi Abstrakt dhe Jazz-i
Shumë artistë influencohen nga muzika e kohës së tyre. Jazz-i
ishte i improvizuar dhe shprehës, dhe disa Eksperesionistë Abstraktë, duke përfshirë
Jackson Pollock, janë shprehur se dëgjonin muzikë kur pikturonin. Norman Lewis
punonte në Harlem, një lagje me dominancë afrikano-amerikane në qytetin e Nju
Jorkut e njohur për arritjet e saj artistike, muzikore dhe letrare, dhe ai shpesh
paraqiste ckubet e jazz-it të Harlemit në veprat e tij të hershme figurative. Pikturat
e tij të mëvonshme abstrakte integrojnë liriken dhe spontanitetin e jazz-it.
Duke krahasuar teknikën e tij me atë të trombistit legjendar Miles David, Willem
de Kooning një herë ka shkruar: “Miles Davis i përthyen notat. Ai nuk luan me
to, ai i përthyen. Unë përthyej bojën.”
Burimi: https://www.moma.org/learn/moma_learning/themes/abstract-expressionism/
Copyright i përkthimit www.enkeledasuti.com
Përzgjodhi dhe përktheu Enkeleda Suti.